ట్విట్టర్ కు పోటీగా కొత్త యాప్.. ఒక్క వారంలోనే వేల డౌన్లోడ్లు.. త్వరలోనే అందుబాటులోకి..
By asianet news telugu | First Published Mar 2, 2023, 12:44 PM ISTట్విట్టర్ మాజీ సి‌ఈ‌ఓ జాక్ డోర్సే ట్విట్టర్‌కు పోటీగా బ్లూస్కై అనే యాప్ ని ప్రారంభించారు. ఈ యాప్ ప్రస్తుతం యాప్ స్టోర్‌లో అందుబాటులో ఉంది. బ్లూ స్కై ప్లాట్‌ఫారమ్ సాధారణ ట్విట్టర్ లాగానే సింపుల్ లుక్ అండ్ అనుభూతితో రూపొందించబడింది. ఇంకా సింపుల్ ఆప్షన్స్ తో వస్తుంది, చూడటం కూడా సులభం.
గతేడాది నవంబర్‌లో జాక్ డోర్సీ ట్విట్టర్ సీఈవో పదవి నుంచి వైదొలగిన సంగతి మీకు తెలిసిందే. అయితే, జాక్ డోర్సీ మళ్లీ ట్విట్టర్‌లో చేరనున్నారనే ప్రచారం వినిపిస్తుంది. అయితే ఈ పుకార్లకు స్వస్తి పలికేందుకు, జాక్ డోర్సీ ఇప్పుడు ట్విట్టర్‌కు పోటీగా ఒక సోషల్ మీడియా సైట్‌ను ప్రారంభించాడు, దీని పేరు బ్లూ స్కై.
డోర్సే బ్లూ స్కై సైట్ Twitter బ్లూ లోగో ఇంకా కలర్ టోన్‌ను పోలి ఉండేలా రూపొందించబడింది. ఈ బ్లూ స్కై ఇప్పుడు ఆపిల్ యాప్ స్టోర్‌లో బీటా వెర్షన్‌లో అందుబాటులో ఉంది. దీనికి సంబంధించి, టెక్ క్రంచ్ కొన్ని వివరాలను కూడా అందించింది. దీని ప్రకారం, యాప్ స్టోర్‌లో సెలెక్ట్ చేసిన యూజర్లకు మాత్రమే బ్లూ స్కై యాప్ బీటాగా అందుబాటులో ఉంటుంది. ఇది త్వరలో సాధారణ వినియోగానికి అందుబాటులోకి వస్తుందని భావిస్తున్నారు.
Latest Videos
undefined
బ్లూ స్కై ప్లాట్‌ఫారమ్ సాధారణ ట్విట్టర్ లాగానే సింపుల్ లుక్ అండ్ అనుభూతితో రూపొందించబడింది. ఇంకా సింపుల్ ఆప్షన్స్ తో వస్తుంది, చూడటం కూడా సులభం. Twitter హోమ్ పేజీలో వాట్స్ హ్యాపెనింగ్ లాగానే దీనిలో కూడా "వాట్స్ అప్" అనే పదబంధాన్ని కూడా ఉంది.
గత ఏడాది నవంబర్‌లో ట్విటర్‌లో భారీ తొలగింపులు జరిగాయి. కొందరు ఎలోన్ మస్క్ చర్యలు నచ్చక స్వచ్ఛందంగా రాజీనామా చేశారు.
ఆ తర్వాత, ఇకపై తొలగింపులు ఉండవని ఎలాన్ మస్క్ హామీ ఇచ్చారు. అయితే అప్పుడు కూడా, ట్విట్టర్‌లో ఎన్నో రౌండ్ల తొలగింపులు జరిగాయి. గతంలో 7,500 మందికి పైగా ఉద్యోగులు ఉన్న కంపెనీ ఇప్పుడు కేవలం 2,000 మంది ఉద్యోగులు ఉన్నారు.
బ్లూ స్కై యాప్ ఫిబ్రవరి 17న విడుదలైంది ఇంకా టెస్టింగ్ దశలో 2000 కంటే ఎక్కువ డివైజెస్ లో ఇన్‌స్టాల్ చేయబడింది. ట్విట్టర్‌లో లాగానే బ్లూ స్కై యూజర్లు కూడా ఇతరులను బ్లాక్ చేయవచ్చు, షేర్ చేయవచ్చు, ఫాలో కావొచ్చు ఇంకా మ్యూట్ చేయవచ్చు. అలాగే ఎక్కువ మందిని యాడ్ చేసే అవకాశం కూడా ఉంది. అంతే కాకుండా, యూజర్లు "ఎవరిని ఫాలో కావొచ్చో" రికమెండేషన్స్ కూడా పొందుతారు.
బ్లూ స్కై పూర్తిగా ట్విట్టర్‌కు పోటీగా నిర్మించబడింది. ఇందులో ఉన్న ఉద్యోగులు కూడా ట్విటర్ మాజీ ఉద్యోగులేనని సమాచారం. ఒకే వారంలో 2 వేల డౌన్‌లోడ్‌లతో ఈ యాప్ త్వరలో ట్విట్టర్‌ను భర్తీ చేయనుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి