Apple Event: మార్చి 8న ఆపిల్ ఈవెంట్.. చౌకైన ఐఫోన్‌తో పాటు లేటెస్ట్ ఉత్పత్తులు లాంచ్..
By asianet news telugu | First Published Mar 3, 2022, 1:13 PM ISTమ్యాక్ బుక్ కాకుండా, ఐఫోన్ ఎస్‌ఈ 3ని ఈ ఈవెంట్‌లో లాంచ్ చేయవచ్చు, అయితే ఈ ఐఫోన్ ఎస్‌ఈ 2కి అప్‌గ్రేడ్ వెర్షన్. కొత్త ఫోన్‌తో 5G సపోర్ట్ అందుబాటులో ఉంటుంది. అంతే కాకుండా, A15 బయోనిక్ చిప్‌సెట్‌ను ఇందులో చూడవచ్చు.
అమెరికన్ మల్టీ నేషనల్ టెక్నాలజి కంపెనీ ఆపిల్ సరికొత్త ఈవెంట్‌ను ప్రకటించింది. 8 మార్చి 2022న జరగనున్నఈవెంట్ ఈ ఏడాదిలో మొట్టమొదటిది. అయితే ఈ ఈవెంట్‌లో కొత్త MacBook Pro, MacBook Air, Mac mini, iMac Proలను విడుదల చేయానున్నట్లు భావిస్తున్నారు. ఆపిల్ సంస్థ ఆపిల్ ఎమ్1, ఎమ్2 సిలికాన్ చిప్‌సెట్‌లతో ఈ ఉత్పత్తులన్నింటినీ అందించవచ్చని ఒక నివేదిక తెలిపింది. ఈ ఈవెంట్‌లో అందరి దృష్టి iPhone SE 3 పైనే ఉంది, ఎందుకంటే దీనిని ఆపిల్ చౌకైన ఐఫోన్ కావొచ్చు అని భావిస్తున్నారు.
ఆపిల్ ఈ ఈవెంట్ మార్చి 8న భారత కాలమానం ప్రకారం రాత్రి 11:30 గంటలకు నిర్వహించబడుతుంది. సంస్థ యూట్యూబ్ ఛానెల్‌తో పాటు, ఈవెంట్‌ను ఆపిల్ టీవీలో ప్రత్యక్షంగా చూడవచ్చు. ఆపిల్ ఈ ఈవెంట్‌లో లాంచ్ చేయబోయే ఉత్పత్తుల గురించి సమాచారాన్ని వెల్లడించలేదు కానీ ఖచ్చితంగా పీక్ పెర్ఫార్మెన్స్ ట్యాగ్‌లైన్‌ని ఉపయోగించింది. ఈవెంట్ టీజర్‌లో మల్టీకలర్‌ని ఉపయోగించారు, అంటే, ఈసారి ఐఫోన్ కొత్త రంగులో ప్రదర్శించబడుతుందని భావిస్తున్నారు.
Latest Videos
undefined
ఈ ఈవెంట్‌లో లాంచ్ చేయబోయే ఉత్పత్తి గురించి ఆపిల్ అధికారికంగా ఎలాంటి సమాచారం చెప్పలేదు, అయితే నివేదిక ప్రకారం, ఈవెంట్‌లో కొత్త మ్యాక్‌బుక్‌ను పరిచయం చేయవచ్చు. ఈవెంట్‌లో మ్యాక్‌బుక్ లాంచ్‌లో M2, M1 ప్రో, M1 మ్యాక్స్ చిప్‌సెట్‌లకు సపోర్ట్ ఇవ్వవచ్చని చెబుతున్నారు. కొత్త MacBook Pro, MacBook Air, Mac miniని M2తో అందించవచ్చు, అయితే కొత్త iMac Proని M1 ప్రో, M1 మ్యాక్స్ చిప్‌సెట్‌లతో అందించవచ్చు.
MacBook Air కొత్త వెర్షన్ కూడా వచ్చే అవకాశం ఉంది. MacBook కాకుండా, iPhone SE 3ని ఈ ఈవెంట్‌లో లాంచ్ చేయవచ్చు, ఇది iPhone SE 2కి అప్‌గ్రేడ్ వెర్షన్. కొత్త ఫోన్‌తో 5G సపోర్ట్ అందుబాటులో ఉంటుంది. అంతేకాకుండా, A15 బయోనిక్ చిప్‌సెట్‌ను ఇందులో చూడవచ్చు. ఇంకా కొత్త ఫోన్‌లో మెరుగైన కెమెరాను కూడా ఇవ్వవచ్చు. iPhone SE 3 ధర 300 డాలర్లు అంటే దాదాపు రూ 22,700.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి