ఆధార్ అప్డేట్ కు గ్రీన్ సిగ్నల్..తప్పులు ఉంటే సరిచేసుకోవచ్చు...
By Sandra Ashok Kumar | First Published Apr 28, 2020, 11:03 AM ISTదేశవ్యాప్తంగా 20వేల కామన్ సర్వీస్ సెంటర్లకు ఆధార్ అప్డేట్ బాధ్యతలు అప్పగించింది ఉడాయ్. ఇందుకోసం కొన్ని షరతులతో కూడిన అనుమతులిచ్చింది. దీంతో జనాభా, సంతానం, చిరునామాలో మార్పులను అప్డేట్ చేసుకోవచ్చు.
న్యూఢిల్లీ: ఆధార్ వివరాలను అప్డేట్ చేసేందుకు రంగం సిద్ధమైంది. దేశవ్యాప్తంగా సుమారు 20వేల కామన్ సర్వీస్ సెంటర్లకు (సీఎస్సీ) భారత విశిష్ట గుర్తింపు ప్రాధికార సంస్థ (ఉడాయ్) అనుమతులు ఇచ్చింది. ఈ సీఎస్సీలు బ్యాంకింగ్ కరెస్పాండెంట్లుగా పని చేస్తాయని స్పష్టం చేసింది.
అయితే ఇవి షరతులతో కూడిన అనుమతులేనని పేర్కొంటూ ఈ నెల 24వ తేదీన సీఎస్సీ ఈ-గవర్నెన్స్ సర్వీసెస్ సీఈఓ దినేశ్ త్యాగికి ఉడాయ్ లేఖ రాసింది. కేవలం జనాభాకు సంబంధించిన వివరాలకే అనుమతులు ఉన్నాయని స్పష్టం చేసింది.
Latest Videos
undefined
వేలిముద్రలు, ఐరిస్ అనే సాఫ్ట్వేర్ సహాయంతో ఆపరేటర్లు, నివాసితుల ప్రమాణీకరణ జరుగుతుందని ఆధార్ తెలిపింది. ఈ ఏడాది జూన్కల్లా ఈ వ్యవస్థ అందుబాటులోకి వస్తుందని అంచనా వేస్తున్నారు. సంతానం, చిరునామాలోని మార్పులు, తదితర బయోమెట్రిక్ వివరాలను సీఎస్సీలు అప్డేట్ చేస్తాయి. ఫ్రెష్ ఆధార్ నంబర్ రిజిస్ట్రేషన్లు కూడా సీఎస్సీలు చేపడతాయి.
also read వోడాఫోన్ ఐడియా కస్టమర్లకు గుడ్ న్యూస్.. డబుల్ డేటా ఆఫర్‌ తో ఫ్రీ సబ్ స్క్రిప్షన్ కూడా...
గ్రామీణులకు ఈ సదుపాయం అధికంగా ఉపయోగపడుతుందని కేంద్ర ఐటీశాఖ మంత్రి రవిశంకర్ ప్రసాద్ అభిప్రాయపడ్డారు. ఉడాయ్ నిబంధనలకు అనుగుణంగా, బాధ్యతాయుతంగా ఈ పని చేపట్టాలని సీఎస్సీ సభ్యులకు సూచించారు.
ఈ మేరకు సీఎస్సీకి ఉడాయ్ అనుమతులిచ్చిన సంగతిని రవిశంకర్ ప్రసాద్ తన సోషల్ మీడియాలో పోస్ట్ చేశారు. ఆధార్లో మార్పులు చేయడానికి జిల్లాస్థాయిలోని సీఎస్సీ ఈ-గవర్నెన్స్ సర్వీసులకు ఇప్పటికే ఉడాయ్ అనుమతిలిచ్చింది.
గ్రామీణులకు సిటిజన్ సేవలందించేందుకు దేశవ్యాప్తంగా 2.74 లక్షల సీఎస్సీలు విధులు నిర్వర్తిస్తున్నాయి. ఇంతకుముందు 2018 డిసెంబర్ నెలలో సుప్రీంకోర్టు ఆదేశాలు జారీ చేయడంతో సీఎస్సీలు ఆధార్ అప్ డేట్ ప్రక్రియను నిలిపివేశాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి