Most Grand Slam winners: చరిత్ర సృష్టించిన రఫెల్ నాదల్.. అత్యధిక గ్రాండ్ స్లామ్‌లు గెలిచిన ఐదుగురు గురించి..
By asianet news telugu | First Published Jan 31, 2022, 3:07 AM ISTస్పానిష్ లెజెండ్ ప్లేయర్ రఫెల్ నాదల్ ఆస్ట్రేలియన్ ఓపెన్ 2022 టైటిల్‌తో 21వ గ్రాండ్‌స్లామ్‌ను గెలుచుకున్నాడు. నిన్న జరిగిన ఈ టైటిల్ మ్యాచ్‌లో 35 ఏళ్ల రఫెల్ నాదల్ రష్యాకు చెందిన ప్రపంచ రెండో ర్యాంకర్ డేనియల్ మెద్వెదేవ్‌ను ఓడించాడు.
ఆస్ట్రేలియన్ ఓపెన్ 2022 టైటిల్‌ను సాధించడం ద్వారా స్పానిష్ లెజెండ్ రఫెల్ నాదల్ 21వ గ్రాండ్‌స్లామ్‌ను గెలుచుకున్నాడు. ఆదివారం జరిగిన టైటిల్ మ్యాచ్‌లో 35 ఏళ్ల రఫెల్ నాదల్ రష్యాకు చెందిన ప్రపంచ రెండో ర్యాంకర్ డేనియల్ మెద్వెదేవ్‌ను ఓడించాడు.
ఐదు గంటల 24 నిమిషాల పాటు జరిగిన ఈ మ్యాచ్‌లో డేనియల్ మెద్వెదేవ్‌పై 2-6, 6-7(5), 6-4, 6-4, 7-5 స్కోరుతో మొదటి రెండు సెట్‌లు కోల్పోయిన నాదల్ బలంగా తిరిగి వచ్చాడు. ఈ విజయంతో నాదల్ ఇప్పుడు అత్యధిక గ్రాండ్‌స్లామ్‌లు గెలిచిన పురుష ఆటగాడిగా నిలిచాడు. ఈ విజయంతో అతను రోజర్ ఫెదరర్, నొవాక్ జకోవిచ్‌లను కూడా అధిగమించాడు. ప్రస్తుతానికి పురుషుల, మహిళల విభాగాల్లో అత్యధిక గ్రాండ్స్లామ్ టైటిల్స్‌ సాధించిన క్రీడాకారుల గురించి తెలుసుకుందాం...
Latest Videos
undefined
పురుషుల ఛాంపియన్
టెన్నిస్ చరిత్రలో పురుషుల విభాగంలో 151 మంది క్రీడాకారులు గ్రాండ్ స్లామ్ టోర్నీలను గెలుచుకున్నారు. వీరిలో 66 మంది ఆటగాళ్లు ఒక్కసారి మాత్రమే ఈ టైటిల్‌ను గెలుచుకోగలిగారు. 29 మంది ఆటగాళ్లు ఐదుసార్లు గెలుచుకోగ, ఎనిమిది మంది ఆటగాళ్ళు మాత్రమే ఈ టోర్నమెంట్‌ను 10 లేదా అంతకంటే ఎక్కువ సార్లు గెలుచుకున్నారు.
పురుషుల విభాగంలో అత్యధిక గ్రాండ్‌స్లామ్‌లు గెలుచుకున్న స్పెయిన్‌కు చెందిన రఫెల్ నాదల్ ఇప్పుడు అగ్రస్థానానికి చేరుకున్నాడు. అతను ఇప్పుడు 21 గ్రాండ్స్లామ్ విజయాల రికార్డును తన ఖాతాలో చేర్చుకున్నాడు. అతని తర్వాత స్విట్జర్లాండ్‌కు చెందిన రోజర్ ఫెదరర్, సెర్బియాకు చెందిన నొవాక్ జకోవిచ్ కలిసి రెండో స్థానంలో ఉన్నారు. ఈ ఇద్దరు ఆటగాళ్లు 20-20 గ్రాండ్‌స్లామ్‌లు గెలిచిన రికార్డులు ఉన్నాయి. అమెరికా వెటరన్ ప్లేయర్ పీట్ సంప్రాస్ (14), ఆస్ట్రేలియా స్టార్ రాయ్ ఎమర్సన్ (12) నాలుగు, ఐదో స్థానాల్లో ఉన్నారు.
మహిళల విభాగంలో విజేతలు
మహిళల విభాగంలో ఇప్పటి వరకు 126 మంది క్రీడాకారులు గ్రాండ్స్లామ్ టోర్నీలను గెలుచుకున్నారు. వీరిలో 51 మంది ఒక్కసారి మాత్రమే టైటిల్ గెలుచుకున్నారు, ఇంకా 30 మంది ఆటగాళ్లు ఐదు లేదా అంతకంటే ఎక్కువ సార్లు గెలవగా, ఏడుగురు మాత్రమే 10 లేదా అంతకంటే ఎక్కువ టైటిళ్లను గెలుచుకున్నారు.
ఇక్కడ లెజెండరీ ఆస్ట్రేలియా క్రీడాకారిణి మార్గరెట్ కోర్ట్ అత్యధికంగా 24 గ్రాండ్ స్లామ్ టైటిళ్లను గెలుచుకుంది. దీని తర్వాత 23 టైటిళ్లను గెలుచుకున్న అమెరికా లెజెండ్ సెరెనా విలియమ్స్ ఈ జాబితాలో రెండో స్థానంలో ఉంది. ఈ ఇద్దరు ఆటగాళ్ల తర్వాత స్టెఫీ గ్రాఫ్ (22), హెలెన్ విల్స్ (19), క్రిస్ ఎవర్ట్ (18) వరుసగా మూడు, నాలుగు, ఐదో స్థానాల్లో ఉన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి