PKL Season 8 విజేతగా దబాంగ్ ఢిల్లీ... ఫైనల్‌లో పాట్నా పైరెట్స్‌పై థ్రిల్లింగ్ విన్...
By Chinthakindhi Ramu | First Published Feb 25, 2022, 10:05 PM ISTPKL Season 8 Final: సస్పెన్స్ థ్రిల్లర్‌లా సాగిన ఫైనల్ మ్యాచ్‌లో పాట్నా పైరెట్స్‌పై 36- 37 తేడాతో విజయం సాధించిన దబాంగ్ ఢిల్లీ కే.సీ...
PKL Season 8: ప్రొ కబడ్డీ లీగ్ సీజన్ 8లో సరికొత్త ఛాంపియన్ అవతరించింది. సస్పెన్స్ థ్రిల్లర్‌ని తలపించిన ఫైనల్ మ్యాచ్‌లో ఒకే ఒక్క పరుగు తేడాతో పాట్నా పైరెట్స్‌పై విజయం అందుకుని, పీకేఎల్ సీజన్ 8 ఛాంపియన్‌గా నిలిచింది దబాంగ్ ఢిల్లీ కబడ్డీ క్లబ్...
నిమిష నిమిషానికి ఆధిక్యం చేతులు మారుతూ ఆఖరి సెకన్ వరకూ ఉత్కంఠభరితంగా సాగిన ఫైనల్ మ్యాచ్‌లో పాట్నా పైరెట్స్‌పై 36- 37 తేడాతో విజయం అందుకుంది దబాంగ్ ఢిల్లీ...
Latest Videos
undefined
మ్యాచ్ ఆరంభంలో ఇరు జట్లు పోటీపోటీగా పాయింట్లు సాధించడంతో ఒకానొక దశలో 4-4 స్కోర్లతో సమంగా నిలిచాయి. అయితే ఆ తర్వాత దూకుడు పెంచిన పాట్నా పైరెట్స్, దబాంగ్ ఢిల్లీని ఆలౌట్ చేసి ఆధిక్యం పెంచుకుంటూ పోయింది. ఒకానొక దశలో 8-12 తేడాతో నాలుగు పాయింట్లు వెనకబడింది దబాంగ్ ఢిల్లీ...
తొలి సగం ముగిసే సమయానికి పాట్నా పైరెట్స్ 17-15 పాయింట్లతో దబాండ్ ఢిల్లీపై రెండు పాయింట్ల ఆధిక్యంలో ఉంది. సెకండాఫ్‌లోనూ జోరు కొనసాగించిన పాట్నా పైరెట్స్ 20- 23 పాయింట్ల తేడాతో ఆధిక్యంలో నిలిచింది...
అయితే నవీన్ రైడ్స్ కారణంగా మరోసారి స్కోర్లు (24 -24) సమం అయ్యాయి. అయితే పాట్నా పైరెట్స్‌ను సెకండాఫ్‌లో ఆలౌట్ చేసిన దబాంగ్ ఢిల్లీ 31-28 పాయింట్ల తేడాతో తొలిసారి ఆధిక్యం సాధించింది...
ఆ తర్వాత 35-31 తేడాతో ఆధిక్యంలోకి వెళ్లింది దబాంగ ఢిల్లీ. మ్యాచ్ చివరి 5 నిమిషాల్లో ఊహించని రీతిలో పోరాడిన పాట్నా పైరెట్స్ 36-35 తేడాతో ఆధిక్యాన్ని తగ్గించగలిగింది. ఆఖరి నిమిషంలో పాట్నా పైరెట్స్ డిఫెన్స్‌లో చేసిన పొరపాటును చక్కగా వాడుకున్న దబాంగ్ ఢిల్లీ, 37-36 పాయింట్ల తేడాతో ఛాంపియన్‌గా నిలిచింది...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి