ఐపీఎల్ ఫైనల్ మ్యాచ్ ఫిక్స్ అయిందా ? (వీడియో)

ఇప్పుడీ న్యూస్ సెన్సేషన్ గా మారింది. హాట్‌ స్టార్‌ రూపొందించిన ఓ వీడియో ఇప్పుడీ అనుమానానికి కారణమైంది. ఆ వీడియో సారంశం ఏంటంటే.. తాజా సీజన్‌ లో ఫైనల్‌ లో చెన్నై సూపర్‌ కింగ్స్‌- కోల్‌ కతా నైట్‌ రైడర్స్‌ ఢీకొట్టబోతున్నాయట. క్వాలిఫయర్‌-1లో విజయం సాధించిన చెన్నై సూపర్‌కింగ్స్‌ జట్టు మాత్రమే ఇప్పటి వరకు ఫైనల్‌ చేరుకుంది. శుక్రవారం కోల్‌కతా నైట్‌రైడర్స్‌- సన్‌రైజర్స్‌ హైదరాబాద్‌ జట్ల మధ్య క్వాలిఫయర్‌-2 మ్యాచ్‌ జరుగనుంది. ఈ మ్యాచ్‌లో గెలిచిన జట్టు ఫైనల్స్‌కు చేరుకుని.. వాంఖేడే స్టేడియంలో ఆదివారం జరిగే ఫైనల్లో చెన్నై సూపర్‌ కింగ్స్‌తో తలపడనుంది. అలాంటపుడు క్వాలిఫయర్‌-2 మ్యాచ్‌ జరగకుండానే హాట్‌స్టార్‌ కోల్‌కతా జట్టు  ఫైనల్‌ చేరినట్లు వీడియో రూపొందించడంపై సన్‌రైజర్స్‌ హైదరాబాద్‌ అభిమానులతో పాటు నెటిజన్లు మండిపడుతున్నారు. ఇదంతా మ్యాచ్‌ ఫిక్సింగ్‌ అని విపరీతంగా కామెంట్లు పెడుతూ విమర్శలు చేస్తున్నారు.