కోహ్లీ రికార్డ్ ని బ్రేక్ చేసిన పాక్ క్రికెటర్

టీం ఇండియా కెప్టెన్ విరాట్ కోహ్లీ రికార్డ్ ని పాక్ క్రికెటర్ బాబర్ అజమ్ బ్రేక్ చేశాడు. ఆదివారం పాక్ టీం.. న్యూజిలాండ్ తో టీ20 మ్యాచ్ లో పోటీపడింది. కాగా.. ఈ మ్యాచ్ లో బాబర్ 58 బంతుల్లో 78 పరుగులు సాధించి తమ జట్టు విజయంలో కీలక పాత్ర పోషించాడు. ఇక 48 పరుగుల వ్యక్తిగత స్కోర్‌ వద్ద టీ20ల్లో 1000 పరుగులు పూర్తి చేసుకున్న ఈ ఓపెనర్‌.. అత్యంత వేగంగా ఈ ఘనతనందుకున్న క్రికెటర్‌గా గుర్తింపు పొందాడు. 

 అయితే.. టీం ఇండియా కెప్టెన్   కోహ్లి 27 ఇన్నింగ్స్‌లో ఈ ఘనతను అందుకుంటే.. బాబర్‌ 26 ఇన్నింగ్స్‌ల్లోనే సాధించి అతని రికార్డును బ్రేక్‌ చేశాడు. ఈ మ్యాచ్‌లో పాక్‌ 47 పరుగులతో విజయం సాధించి 3-0తో కివీస్‌ను క్లీన్‌స్వీప్‌ చేసింది. ఐసీసీ టీ20 ర్యాంకింగ్స్‌లో అగ్రస్థానంలో ఉన్న బాబర్‌ తన ర్యాంకును మరింత పదిలం చేసుకున్నాడు. దీంతో.. ప్రస్తుతం క్రికెటర్లంతా జాబర్ పై ప్రశంసల వర్షం కురిపిస్తున్నారు.