కరోనా విజృంభ‌ణ‌కు కార‌ణ‌మ‌వుతున్న XBB1.16 వేరియంట్.. ఢిల్లీలో 98% శాంపిళ్లలో గుర్తింపు
By Mahesh Rajamoni | First Published Apr 6, 2023, 4:43 PM ISTNew Delhi: భార‌త్ లో గత 24 గంటల్లో 5 వేల‌కు పైగా కరోనా వైరస్ కొత్త కేసులు నమోదయ్యాయి. దేశ‌రాజ‌ధాని ఢిల్లీలోనూ కోవిడ్-19 వ్యాప్తి పెరుగుతున్న‌ద‌ని రిపోర్టులు పేర్కొంటున్నాయి. ఢిల్లీలో బుధవారం ఒక్కరోజే 509 కొత్త కేసులు నమోదు కావడంతో కోవిడ్-19 పాజిటివిటీ రేటు 25 శాతం దాటిందని ప్ర‌భుత్వ గ‌ణాంకాలు వెల్ల‌డించాయి.
Coronavirus XBB1.16 variant: దేశంలో కరోనా వైరస్ మరోసారి విజృంభిస్తోంది. రోజురోజుకూ పెరుగుతున్న కరోనా రోగుల సంఖ్య మరోసారి ప్రజల్లో భయాందోళనలు రేకెత్తిస్తోంది. అదే సమయంలో ప్రభుత్వం, ఆరోగ్య శాఖలో కరోనా వ్యాప్తి చెందుతుండటంతో కలకలం రేగుతోంది. గడచిన 24 గంటల్లో 5335 కరోనా పాజిటివ్ కేసులు నమోదయ్యాయి. వీటితో పాటు దేశంలో కరోనా యాక్టివ్ కేసుల సంఖ్య కూడా వేగంగా పెరిగింది. దేశంలో కరోనా పాజిటివ్ కేసుల సంఖ్య 25,587కు పెరిగింది. 2022 సెప్టెంబర్ 23 తర్వాత రోజువారీ కేసులు 5 వేలు దాటడం ఇదే తొలిసారి అని ఆరోగ్య శాఖ తెలిపింది. అదే సమయంలో దేశంలో రోజువారీ కరోనా పాజిటివిటీ రేటు 3.32 శాతంగా ఉంది. అయితే, దేశంలో కరోనా వైరస్ కేసులు పెర‌గ‌డానికి కొత్త వేరియంట్లు కార‌ణ‌మ‌వుతున్నాయ‌ని వైద్య నిపుణులు పేర్కొంటున్నారు.
దేశ రాజ‌ధాని ఢిల్లీలో కోవిడ్-19 సోకిన రోగుల నుంచి సేకరించిన నమూనాల్లో కనీసం 98 శాతం ఎక్ బీబీ1.16 వేరియంట్ ఆనవాళ్లు ఉన్నాయని నగరంలోని ఇన్స్టిట్యూట్ ఆఫ్ లివర్ అండ్ బిలియరీ సైన్సెస్ (ILBS) సీనియర్ వైద్యులు ఒక‌రు తెలిపారు. ఢిల్లీలో బుధవారం ఒక్కరోజే 509 కొత్త కేసులు నమోదు కావడంతో కోవిడ్-19 పాజిటివిటీ రేటు 25 శాతం దాటింది. అయితే, కొత్త‌గా కోవిడ్-19 వ్యాప్తికి కార‌ణ‌మ‌వుతున్న ఎక్స్ బీబీ1.16 వేరియంట్ అంత ప్రాణాంతకం కానప్పటికీ, ఇది చాలా వేగంగా వ్యాప్తి చెందుతుందని ఐఎల్బీఎస్ డైరెక్టర్ డాక్టర్ ఎస్కే సరిన్ తెలిపార‌ని ఎన్డీటీవీ నివేదించింది. కోవిడ్ కేసులు పెరుగుతున్నప్పటికీ మరణాలు తక్కువగానే ఉన్నాయి. ఎక్స్ బీబీ1.16 వేరియంట్ సోకిన రోగుల్లో కనిపించే సాధారణ లక్షణాల్లో దగ్గు, జలుబు కూడా ఉన్నాయి.
Latest Videos
undefined
కోమార్బిడిటీస్ ఉన్నవారు, అధిక బరువు ఉన్నవారు వైరస్ బారిన పడకుండా తగిన జాగ్రత్తలు తీసుకోవాలని డాక్టర్ సరిన్ సూచించారు. ఇప్పటికే తీసుకోకపోతే కోవిడ్ బూస్టర్ డోసులు తీసుకోవాలని ఆయన ప్రజలను కోరారు. వైరస్ సోకిన వారికి ఊపిరితిత్తులు, గుండె, మూత్రపిండాలు, మెదడుకు దీర్ఘకాలం పాటు సమస్యలు ఎదురయ్యే అవకాశం ఉందన్నారు. దేశంలో హెచ్3ఎన్2 ఇన్ ఫ్లూయెంజా కేసుల సంఖ్య గణనీయంగా పెరుగుతున్న నేపథ్యంలో గత కొన్ని రోజులుగా ఢిల్లీలో కొత్త కోవిడ్ కేసుల సంఖ్య పెరుగుతోంది. ఢిల్లీలో పాజిటివిటీ రేటు ప్రస్తుతం 26.54 శాతంగా ఉంది. ఇది దాదాపు 15 నెలల్లో అత్యధికం. గత ఏడాది జనవరిలో పాజిటివిటీ రేటు 30 శాతానికి చేరుకుంది.
మంగళవారం ఢిల్లీలో 521 కేసులు నమోదయ్యాయి. ఇది గత ఏడాది ఆగస్టు 27 తర్వాత ఒకే రోజులో అత్యధిక పెరుగుదల. నగర ఆరోగ్య శాఖ వెల్లడించిన వివరాల ప్రకారం కొత్త ఒక మరణం కూడా నమోదైంది. తాజా కేసులతో కలిపి నగరంలో మొత్తం కేసుల సంఖ్య 20,12,064కి చేరింది. దేశ రాజధానిలో అకస్మాత్తుగా పెరుగుతున్న కోవిడ్ కేసులపై ఢిల్లీ ప్రభుత్వం ఒక కన్నేసి ఉంచిందని, ఎటువంటి పరిస్థితినైనా ఎదుర్కోవడానికి సిద్ధంగా ఉందని ముఖ్యమంత్రి అరవింద్ కేజ్రీవాల్ అన్నారు. ప్రస్తుతానికి ఆందోళన చెందాల్సిన అవసరం లేదని, నగర ప్రభుత్వం అవసరమైన అన్ని చర్యలు తీసుకుంటోందని కేజ్రీవాల్ తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి