Nupur Sharma: విద్వేషపూరిత ప్రసంగం కేసు.. నూపుర్ శర్మను హైదరాబాద్ పోలీసులు అరెస్ట్ చేస్తారా?

BJP-hate speech case:  బీజేపీ మాజీ అధికార ప్ర‌తినిధి నూపుర్ శర్మ  విద్వేషపూరిత ప్ర‌సంగంపై పెద్దఎత్తున ఆగ్రహావేశాలు వ్యక్తమైన తర్వాత.. దేశంలోని ప‌లు ప్రాంతాల్లో పోలీసులు కేసు నమోదు చేశారు.   

Hyderabad police: ఇస్లాం మత వ్యవస్థాపకుడు మ‌హ‌మ్మ‌ద్ ప్ర‌వ‌క్త‌పై వివాదాస్ప‌ద వ్యాఖ్య‌లు చేసిన బీజేపీ మాజీ అధికార ప్ర‌తినిధి నూపుర్ శర్మ  విద్వేషపూరిత ప్ర‌సంగంపై పెద్దఎత్తున ఆగ్రహావేశాలు వ్యక్తమైన తర్వాత.. దేశంలోని ప‌లు ప్రాంతాల్లో పోలీసులు కేసు నమోదు చేశారు. విద్వేష వ్యాఖ్య‌ల‌తో ఇత‌ర మ‌తాల వారి ప‌రువు తీశారనే ఆరోపణలపై భారతీయ జనతా పార్టీ (బీజేపీ)..నూపుర్ శర్మపై విప్ ఛేదించినప్పటికీ, విద్వేషం కేసుకు సంబంధించి ఆమెపై ప‌లు చోట్ల కేసులు న‌మోద‌య్యాయి. హైద‌రాబాద్ పోలీసులు సైతం కేసు న‌మోదు చేశారు. అయితే,  ఆమెపై అరెస్టుపై పోలీసులు ఇంకా నిర్ణయం తీసుకోలేదు.

నూపుర్ శర్మ దూషణ ప్రకటనపై పెద్దఎత్తున ఆగ్రహావేశాలు వ్యక్తమైన తర్వాత, పోలీసులు కేసు నమోదు చేశారు. అయితే,  దర్యాప్తు నెమ్మదిగా సాగుతోంది. గత వారం, మే 27, 2022న ప్రసారమైన నేషనల్ టీవీ ఛానెల్‌లో టీవీ చర్చను దృష్టిలో ఉంచుకుని, IPC సెక్షన్లు 153(A) (రెండు సమూహాల మధ్య శత్రుత్వాన్ని ప్రోత్సహించడం), 504 (ఉల్లంఘనను ప్రేరేపించే ఉద్దేశ్యంతో ఉద్దేశపూర్వకంగా అవమానించడం) కింద సుమో-మోటో కేసు శాంతికి సంబంధించిన) 505(2) (తరగతుల మధ్య శత్రుత్వం, ద్వేషం లేదా దురభిమానాన్ని సృష్టించే లేదా ప్రోత్సహించే ప్రకటనలు) మరియు 506 (నేరపూరిత బెదిరింపు) వంటి సెక్ష‌న్ల కింద‌ ఆమెపై  కేసు నమోదుచేశారు. 

ఒక టీవీ ఛానల్ డిబేట్‌లో నూపుర్ శర్మ ఇస్లాం మతాన్ని అవమానించేలా ప్రవక్త మహమ్మద్‌పై అనుచిత పదాలను ఉపయోగించారని సైబర్ క్రైమ్‌ల సబ్-ఇన్‌స్పెక్టర్ ఆఫ్ పోలీస్ పి రవీందర్ ఎస్‌హెచ్‌ఓ సైబర్ క్రైమ్‌లకు ఇచ్చిన ఫిర్యాదులో ఆరోపించారు. వారం రోజుల క్రితమే ఆమెపై కేసు నమోదైనప్పటికీ, ఆమెను అరెస్టు చేసే ప్రక్రియను ప్రారంభించడంపై పోలీసులు ఇంకా నిర్ణయం తీసుకోలేదు. ఆమెను హైద‌రాబాద్ పోలీసులు అరెస్టు చేస్తారా?  లేదా? అనేది మ‌రో రెండు రోజుల్లో నిర్ణ‌యం తీసుకునే అవ‌కాశ‌ముంద‌ని సంబంధిత వ‌ర్గాలు వెల్ల‌డించాయి. 

కాగా, ఓ టీవీ డిబేట్‌లో మహమ్మద్ ప్రవక్తపై బీజేపీ నేత చేసిన వ్యాఖ్యలు మన దేశంలో కలకలం రేపిన సంగతి తెలిసిందే. ముఖ్యంగా యూపీలోని కాన్పూర్‌లో తీవ్ర ఘర్షణలకు దారి తీసింది. ఈ ఘర్షణలకు సంబంధించి ఇప్పటి వరకు సుమారు 1500 మందిపై కేసులు నమోదయ్యాయి. బీజేపీ నేత నుపుర్ శర్మ టీవీ డిబేట్‌లో వివాదాస్పద కామెంట్లు చేశారు. ఆ తర్వాత ఢిల్లీ బీజేపీ మీడియా ఇంచార్జీగా సేవలు అందించిన నవీన్ కుమార్ జిందాల్ కూడా మహమ్మద్ ప్రవక్తపై అభ్యంతరకర ట్వీట్లు చేశారు. వీరిద్దరి వ్యాఖ్యలు ఆందోళనలు రేపాయి. ఈ కామెంట్ల నేపథ్యంలోనే మన దేశంలోనే కాదు.. అరబ్ దేశాల్లోనూ తీవ్ర ఆగ్రహావేశాలు వెలువడ్డాయి. ఇండియా వస్తువులు, సినిమాలను బాయ్‌కాట్ చేయాలనే డిమాండ్లు వచ్చాయి. ట్వి్ట్టర్‌లోనూ ట్రెండ్ అయ్యాయి. కాగా, ఖతర్ దేశం ఏకంగా భారత దౌత్య కార్యాలయానికి సమన్లు పంపింది. దీనికి సమాధానంగా ఈ వ్యాఖ్యలు చేసిన వారిపై ఇప్పటికే కఠిన చర్యలు తీసుకున్నారని, ఆ వ్యాఖ్యలు భారత ప్రభుత్వ అభిప్రాయాన్ని వెల్లడించదని భారత అంబాసిడర్ దీపక్ మిట్టల్ ఖతర్ అధికారులకు సమాధానం ఇచ్చారు.