పశ్చిమ బెంగాల్ హింసలో.. ఎస్ఎస్ రాజమౌళి ‘విక్రమార్కుడు’ సినిమా
By Mahesh K | First Published Feb 19, 2024, 4:28 AM ISTపశ్చిమ బెంగాల్‌లో సందేశ్‌కాలి హింసపై దుష్ప్రచారానికి విక్రమార్కుడు సినిమాలోని ఓ పిక్‌ను ఉపయోగించినట్టు తాజాగా వెలుగులోకి వచ్చింది. ఎక్స్‌లో ఆ పిక్ షేర్ చేస్తూ తీవ్ర వ్యాఖ్యలతో ట్వీట్ చేశారు.
Sandeshkhali: పశ్చిమ బెంగాల్‌లోని సందేశ్‌కాలి హింస దేశవ్యాప్తంగా కలకలం రేపిన సంగతి తెలిసిందే. ఈ హింసకు సంబంధించి అనేక విధాలు దుష్ప్రచారాలు కూడా జరుగుతున్నాయి. తప్పుడు సమాచారంతో హింసను మరింత రెచ్చగొట్టే ప్రయత్నాలూ జరిగినట్టు తెలుస్తున్నాయి. ఇందులో భాగంగా ఈ వదంతుల వ్యాప్తి కోసం ఎస్ఎస్ రాజమౌళి దర్శకత్వం వహించిన విక్రమార్కుడు సినిమా పిక్‌ను కూడా ఉపయోగించుకున్నట్టు వెలుగులోకి వచ్చింది.
ఎక్స్ వేదికగా విక్రమార్కుడు సినిమాలోని ఓ పిక్ షేర్ చేసి.. ఆ ఫొటోకు తప్పుడు క్యాప్షన్ ఇవ్వడంతో ఫేక్ ఇన్ఫర్మేషన్ వైరల్ అవుతున్నది. ఓ మహిళ.. షర్ట్ విప్పేసిన యువకుడి పక్కన బలవంతంగా నిలబడిన పిక్‌ను షేర్ చేస్తూ.. పశ్చిమ బెంగాల్‌లోని సందేశ్‌కాలిలో ఓ హిందు మహిళను టీఎంసీ గూండాలు అపహరించారని పేర్కొన్నారు.
Latest Videos
undefined
Also Read: Power Cut: మంత్రి మీటింగ్‌లో పవర్ కట్.. సీతక్క మాట్లాడుతుండగానే చీకటిమయం!
ఓ ఎక్స్ హ్యాండిల్ ఈ పిక్ షేర్ చేస్తూ తీవ్ర ఆరోపణలు జోడించాడు. ఒక హిందు మహిళను టీఎంసీ గూండాలు కిడ్నాప్ చేశారని ఆ ట్వీట్‌లో ఆరోపించాడు. ఈ జిహాదీ గూండాలు విక్టరీ సింబల్ చూపిస్తున్నారని పేర్కొన్నాడు. పశ్చిమ బెంగాల్‌ను పాకిస్తాన్‌గా మార్చడానికి మమతా బెనర్జీ ఏ అవకాశాన్నీ వదిలిపెట్టడం లేదని రాశాడు. టీఎంసీ హిందువులను హింసిస్తున్నదని తీవ్ర ఆరోపణలు చేశాడు. విక్రమార్కుడు సినిమా పిక్‌తో ఉన్న ఆ తప్పుడు ట్వీట్‌ను అప్పటికే చాలా మంది షేర్ చేశారు.
*सन्देशखाली-पश्चिम बंगाल*
*टीएमसी के गुण्डों द्वारा उठाई गई एक हिन्दू महिला*
*यह गुण्डा जेहादी विक्ट्री का चिह्न दिखा रहा है*
*ममता बनर्जी ने पश्चिम बंगाल को पाकिस्तान बनाने में कोई कसर नहीं छोड़ी है*
*टीएमसी हिन्दुओं पर अत्याचार कर रहे हैं किसी कि बहन बेटी बहु सुरक्षित नहीं* pic.twitter.com/tzgtqaqA6t
అయితే.. ఆ పిక్ విక్రమారుడు సినిమాలోనిది. ఆ ట్వీట్‌లో చెబుతున్నట్టుగా ఓ పశ్చిమ బెంగాల్ మహిళది కాదు. ఎస్ఎస్ రాజమౌళి దర్శకత్వం వహించి రవితేజ, అనుష్కలు ప్రధాన పాత్రల్లో విక్రమార్కుడు సినిమాలో నటించారు. 2006లో విడుదలైన ఈ సినిమా ఆ తర్వాత అక్షయ్ కుమార్, సోనాక్షి సిన్హా ప్రధాన పాత్రల్లో రౌడీ రాథోడ్‌గా హిందీలో రీమేక్ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి