మండుతున్న కూరగాయల ధరలు.. పెరుగుతున్న‌ ద్రవ్యోల్బణం

Inflation: దేశంలో టమాటో సహా అన్ని కూరగాయల ధరల పెరుగుదల ప్రభావం ద్రవ్యోల్బణం రేటులో కనిపిస్తుంది. కొన్ని నెలలుగా సాధారణ ద్రవ్యోల్బణం రేటులో పెద్ద పెరుగుదల ఉంది. భారతదేశంలో రిటైల్ ద్రవ్యోల్బణం ప్రస్తుత స్థితి గమనిస్తే.. రిటైల్ ద్రవ్యోల్బణం గణాంకాలు 3 నెలల గరిష్ట స్థాయికి చేరుకున్నాయని చూపిస్తున్నాయి.   

Retail Inflation India: ట‌మాటో స‌హా వివిధ కూరగాయల ధరలు దేశంలో ద్రవ్యోల్బణ రేటును పెంచాయి. తాజా రిటైల్ ద్రవ్యోల్బణం గణాంకాలు 3 నెలల గరిష్ట స్థాయికి చేరుకున్నాయని చూపిస్తున్నాయి. తాజా ద్రవ్యోల్బణ గణాంకాలను ప్రభుత్వం విడుదల చేసింది. ప్రస్తుతం భారత ద్రవ్యోల్బణం రేటు 4.81 శాతానికి చేరింది. రిటైల్ లో ద్రవ్యోల్బణం పెరగడానికి ప్రధాన కారణం కూరగాయలు, ఆహార పదార్థాల ధరలు పెరగడమేనని ప్రభుత్వం విడుదల చేసిన గణాంకాలు చెబుతున్నాయి. ఈ కాలంలో పారిశ్రామికోత్పత్తి కూడా 5.2 శాతం పెరగడం ప్రభుత్వానికి ఊరట కలిగించే విషయం.

దేశంలో రిటైల్ ద్రవ్యోల్బణం ప్రస్తుత స్థితి.. 

వినియోగదారుల ధరల సూచీ ఆధారిత ద్రవ్యోల్బణం మేలో 4.31 శాతం ఉండగా, 2023 జూన్ లో 4.25 శాతానికి చేరుకుంది. అంతకుముందు సీపీఐ మార్చిలో 5.56 శాతంగా ఉంది. ద్రవ్యోల్బణం 6 శాతం వరకు ఉంటుందని ఆర్బీఐ అంచనా వేయగా, రిటైల్ రేటు కూడా అదుపులోనే ఉంది. రిటైల్ ద్రవ్యోల్బణం 4 శాతంగా ఉండేలా సెంట్రల్ బ్యాంక్ ప్రయత్నిస్తోంది. అయితే 2 శాతం హెచ్చుతగ్గులు కొనసాగుతాయని నిపుణులు చెబుతున్నారు.

3 శాతం పెరిగిన ఆహార ద్రవ్యోల్బణం

జూన్ నెల ద్రవ్యోల్బణ రేటుతో పోలిస్తే ఆహార పదార్థాల ద్రవ్యోల్బణం 3 శాతం పెరిగింది. మే నెలలో ఇది 2.96 శాతం ఉండగా, జూన్ లో 4.49 శాతానికి పెరిగింది. జూన్ 8న ఆర్బీఐ ద్రవ్య విధానాన్ని ప్రకటించి రెపో రేటును పెంచలేదనీ, దీని వల్ల ధరలు సాధారణంగా ఉన్నాయని, కానీ కూరగాయల ధరలు ద్రవ్యోల్బణ రేటును పెంచాయని నిపుణులు పేర్కొంటున్నారు.

భారతదేశంలో పారిశ్రామిక ఉత్పత్తి పెరుగుదల..

మే నెలలో భారత పారిశ్రామికోత్పత్తి రేటు 5.2 శాతానికి పెరిగిందని కేంద్ర ప్రభుత్వం తెలిపింది. పారిశ్రామికోత్పత్తి సూచీ కింద పారిశ్రామికోత్పత్తి 2022 మేలో 19.7 శాతానికి పెరిగింది.

ఎగుమ‌తుల‌ను నిషేధించే యోచ‌న‌లో స‌ర్కారు.. 

ప్రపంచంలోనే అతిపెద్ద బియ్యం ఎగుమతిదారు అయిన భారతదేశం చాలా రకాల ఎగుమతులను నిషేధించాలని ఆలోచిస్తోంది. ఎల్ నినో వాతావరణ సరళి తిరిగి రావడంతో ఇప్పటికే ప్రపంచ ధరలను పెంచే అవకాశం ఉంది. బాస్మతియేతర బియ్యం ఎగుమతులను నిషేధించే యోచనలో ప్రభుత్వం ఉన్నట్లు సమాచారం. దేశీయంగా పెరుగుతున్న ధరలే ఇందుకు కారణమనీ, మరింత ద్రవ్యోల్బణం ముప్పును నివారించాలని అధికారులు భావిస్తున్నారని స‌మాచారం. ఈ నిషేధం అమల్లోకి వస్తే భారత బియ్యం ఎగుమతుల్లో 80 శాతంపై ప్రభావం పడనుంది. ఇటువంటి చర్య దేశీయ ధరలను తగ్గించవచ్చు, కానీ ఇది అంతర్జాతీయ ఖర్చులను మరింత పెంచే ప్రమాదం ఉంది. ప్రపంచ జనాభాలో సగం మందికి బియ్యం ప్రధానమైనది, ఆసియా ప్రపంచ సరఫరాలో 90 శాతం వినియోగిస్తుంది. ఎల్ నినో ప్రభావం పంటలను దెబ్బతీస్తుందన్న భయాలతో బెంచ్ మార్క్ ధరలు ఇప్పటికే రెండేళ్ల గరిష్టానికి చేరుకున్నాయి.