Parliament Breach : నిందితులను కలిపింది సోషల్ మీడియానే..
By SumaBala Bukka | First Published Dec 14, 2023, 2:42 PM ISTపార్లమెంట్ భవనంలో దాడికి దిగినవారి నేపథ్యాలు, ప్రాంతాలు, సామాజిక హోదాలు వేరు. కానీ వారందరినీ కలిపినదేంటో తెలిస్తే ఆశ్చర్యం కలుగుతుంది.
న్యూఢిల్లీ : బుధవారం పార్లమెంటులో దాడి ఘటనలో నిందితులకు సంబంధించిన వివరాలు ఆశ్చర్యం కలిగిస్తున్నాయి. వీరిని ఒక్కటిచేసింది ఏంటి అనే దానిమీద అనేక ప్రశ్నలు ఉదయిస్తున్నాయి. నిందితులు విభిన్న విద్యా నేపథ్యాలు, సమాజంలోని వివిధ వర్గాలకు, దేశంలోని వివిధ ప్రాంతాలకు చెందినవారు. వీరి వయస్సు 20-40ల మధ్య ఉంది.
నిందితులు సాగర్ శర్మ, నీలం ఆజాద్, మనోరంజన్ డి, అమోల్ షిండే, విక్కీ శర్మ, లలిత్ ఝాల మధ్య ఎలాంటి కామన్ థ్రెడ్ కనిపించ లేదు. కాగా లోతుగా పరిశీలిస్తే కొన్ని ఆధారాలు వెలుగు చూశాయి. వీరంతా 'భగత్ సింగ్ ఫ్యాన్ క్లబ్' అనే సోషల్ మీడియా పేజీలో సభ్యులు. వీరిలో నీలం ఆజాద్, అమోల్ షిండేలకు ఏ ఉద్యోగమూ రాలేదు. ఉద్యోగం కోసం ఎన్నో ప్రయత్నాలు చేసినా ఫలించలేదు.
Latest Videos
undefined
నిరుద్యోగం, ద్రవ్యోల్బణం, మణిపూర్‌లో హింస వంటి అంశాలను హైలైట్ చేయడానికి, వాటిని పార్లమెంటులో చర్చించేలా చేయడానికే తాము పార్లమెంటు ఉల్లంఘనకు ప్లాన్ చేశామని నిందితులు పోలీసులకు చెప్పారు.
పార్లమెంట్ వద్ద భద్రత: ఎలా ఉంటుంది,బాధ్యత ఎవరిది?
రిక్షా డ్రైవర్
బుధవారం సందర్శకుల గ్యాలరీ నుండి లోక్‌సభ ఛాంబర్‌లోకి దూకిన ఇద్దరు చొరబాటుదారులలో ఒకరు, 27 ఏళ్ల సాగర్ శర్మ ఢిల్లీలో జన్మించాడు. తల్లిదండ్రులు, చెల్లెలితో కలిసి లక్నోలో ఉంటున్నాడు. సాగర్ శర్మ తన సోషల్ మీడియా పోస్ట్‌లలో స్వాతంత్ర్య సమరయోధుడు భగత్ సింగ్, మార్క్సిస్ట్ విప్లవకారుడు చే గువేరాలను కూడా ఉటంకిస్తుంటాడు. ఆదివారం ఢిల్లీకి వచ్చాడు. వచ్చేముందు శర్మ తన కుటుంబ సభ్యులకు నిరసనలో పాల్గొనేందుకు రాజధానికి వెళ్తున్నట్లు చెప్పారు.
ఇంజనీర్
మనోరంజన్ డి మైసూరుకు చెందినవ్యక్తి. కంప్యూటర్ ఇంజనీరింగ్‌లో బ్యాచిలర్ డిగ్రీ తీసుకున్నాడు. 34 ఏళ్ల అతను కూడా సందర్శకుల గ్యాలరీలోకి పాస్ తీసుకున్నాడు. అక్కడినుంచి శర్మతో పాటు లోక్‌సభ ఛాంబర్‌లోకి దూకాడు. మనోరంజన్ గ్రాడ్యుయేషన్ పూర్తి చేసిన తర్వాత ఉద్యోగంలో చేరాడా అనేది అస్పష్టంగా ఉంది.
మనోరంజన్ తండ్రి దేవరాజేగౌడ, కొడుకు చేసిన పనిని తప్పు పట్టాడు. ఏదైనా తప్పు చేస్తే "ఉరితీయాలి" అన్నాడు. మనోరంజన్, సాగర్ శర్మల వద్ద ఉన్న పాస్‌లను మైసూర్‌లోని బీజేపీ ఎంపీ ప్రతాప్ సింహా కార్యాలయం జారీ చేసింది.
ఉపాధ్యాయుడు
హర్యానాలోని హిసార్‌కు చెందిన నీలం ఆజాద్ ఎంఫిల్ చేశాడు. ఉపాధ్యాయ ఉద్యోగం పొందడానికి అవసరమైన జాతీయ అర్హత పరీక్షలో కూడా ఉత్తీర్ణత సాధించారు. పార్లమెంటు వెలుపల ఎరుపు, పసుపు పొగతో నిండిన డబ్బాలను పారేయడం, "నియంతృత్వాన్ని" ఖండిస్తూ నినాదాలు చేసిన ఇద్దరు వ్యక్తులలో 37 ఏళ్ల నీలం ఆజాద్ కూడా ఒకరు.
2021లో రద్దు చేసిన మూడు వ్యవసాయ చట్టాలకు వ్యతిరేకంగా రైతులు ఏడాదిపాటు సాగించిన నిరసనలతో పాటు ఈ ఏడాది జరిగిన కనీస మద్దతు ధరకు చట్టపరమైన హోదా కల్పించాలని కోరుతూ జరిగిన నిరసనలో నీలం కూడా పాల్గొన్నారు. ఈ ఏడాది ప్రారంభంలో అప్పటి రెజ్లింగ్ ఫెడరేషన్ ఆఫ్ ఇండియా చీఫ్, బీజేపీ ఎంపీ బ్రిజ్ భూషణ్ సింగ్ లైంగిక వేధింపులకు పాల్పడినందుకు వ్యతిరేకంగా రెజ్లర్లు చేసిన నిరసనలో కూడా ఆమె భాగమైనట్లు సమాచారం.
"ఆమె బాగా చదువుకుంది, కానీ ఉద్యోగం రావడం లేదు. ఈ కారణంగా ఆమె చాలా ఒత్తిడికి గురైంది. బాగాచదువుకున్నా రెండు పూటల భోజనానికి సరిపడా కూడా సంపాదించలేకపోయింది. దీంతో చచ్చిపోవాలనిపిస్తోంది అని తరచుగా చెప్పేది. అని ఆమె తల్లి సరస్వతి విలేకరులతో అన్నారు.
ఆర్మీలో చేరాలని...
షెడ్యూల్డ్ కులాలకు చెందిన అమోల్ షిండే నీలం ఆజాద్‌తో కలిసి పార్లమెంట్ వెలుపల డబ్బాలను విసిరేస్తూ.. నినాదాలు చేశారు. మహారాష్ట్రలోని లాతూర్‌లోని ఒక గ్రామానికి చెందిన వ్యక్తి.. 25 ఏళ్ల అతను వ్యవసాయ కూలీ కుటుంబానికి చెందిన వ్యక్తి. పోలీసు, ఆర్మీ రిక్రూట్‌మెంట్ పరీక్షలను పదేపదే ప్రయత్నించినప్పటికీ క్లియర్ చేయడంలో విఫలమయ్యాడు.
అతని తండ్రి మాట్లాడుతూ, "డిసెంబర్ 9 న, అమోల్ పోలీసు రిక్రూట్‌మెంట్ డ్రైవ్‌కు వెళుతున్నానని చెప్పి ఇంటి నుండి బయలుదేరాడు. అతను బాగా పరుగెత్తగలడు. పోలీసు లేదా ఆర్మీలో చేరాలనుకుంటున్నాడు. పార్లమెంటులో ఏమి చేసాడో మాకు తెలియదు. మేము కూలీలుగా పని చేస్తాం. పోలీసులు కూడా మాతో మాట్లాడారు. మాకేమీ తెలియదని మేము వారికి చెప్పాం" అన్నాడు.
షిండే, మనోరంజన్, శర్మ, నీలంలపై కఠిన ఉగ్రవాద నిరోధక చట్టం చట్టవ్యతిరేక కార్యకలాపాల (నివారణ) చట్టం, అలాగే నేరపూరిత కుట్ర, శత్రుత్వాన్ని ప్రోత్సహించడం వంటి సెక్షన్ల కింద భారతీయ శిక్షాస్మృతిలోని ఇతర సెక్షన్ల కింద అరెస్టు చేసి అభియోగాలు మోపారు.
బుధవారం ఉల్లంఘనకు ముందు నిందితులను గురుగ్రామ్‌లోని వారి ఇంట్లో ఉండడానికి అనుమతించినందుకు విక్కీ శర్మను అతని భార్య రేఖతో పాటు అదుపులోకి తీసుకున్నారు. విక్కీ ఎగుమతి కంపెనీలో డ్రైవర్‌గా పనిచేస్తున్నాడు. పరారీలో ఉన్న ఏకైక నిందితుడు బీహార్‌కు చెందిన లలిత్ ఝా. నీలం ఆజాద్, అమోల్ షిండే పసుపు , ఎరుపు పొగతో కూడిన డబ్బాలను తీసుకెళ్లే వీడియోలను అతను చిత్రీకరించాడు. ఆ గొడవలో మిగతావారందరి సెల్‌ఫోన్‌లతో పారిపోయాడు. వాటిల్లో ఒక వీడియోను ఒకదానిని ఒక ఎన్జీవో యజమానికి ఫార్వార్డ్ చేసాడు. దానిని "సేఫ్"గా ఉంచాలని, దానిపై మీడియా కవరేజీ వచ్చేలా చూసుకోమని అడిగాడు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి