ఆపరేషన్ దోస్త్: ట‌ర్కీ నుంచి తిరిగి వ‌చ్చిన భారత ఆర్మీ వైద్య బృందం

New Delhi: ఆపరేషన్ దోస్త్ కింద మోహరించిన భారత ఆర్మీ వైద్య బృందం సహాయక చర్యలు ముగియడంతో భూకంప బాధిత దేశం టర్కీ నుంచి తిరిగి వచ్చింది. ఫిబ్రవరి 6న రెండు దేశాల్లోని వివిధ ప్రాంతాలు భూకంపం బారినపడి 40 వేల మందికి పైగా మృతి చెందిన నేపథ్యంలో ట‌ర్కీతో పాటు సిరియాకు సహాయం అందించేందుకు భారత్ 'ఆపరేషన్ దోస్త్'ను ప్రారంభించింది.  

Turkey earthquake-Operation Dost: ఈ నెల‌లో సంభ‌వించిన భూకంపం కార‌ణంగా ట‌ర్కీ, సిరియా దేశాల్లో దాదాపు 40 వేల మందికి పైగా ప్రాణాలు కోల్పోయారు. వేలాది భ‌వ‌నాలు కుప్ప‌కూలాయి. అనేక మంది నిరాశ్ర‌యుల‌య్యారు. ఈ క్ర‌మంలోనే భూకంప భాదిత ట‌ర్కీ, సిరియాల‌కు భార‌త్ సాయం చేయ‌డానికి ముందుకు వ‌చ్చింది. దీనిలో భాగంగా భూకంప ప్ర‌భావిత ప్రాంతాల్లో స‌హాయ చ‌ర్య‌లు అందించ‌డానికి ఆప‌రేష‌న్ దోస్త్ ను ప్రారంభించింది. దీనిలో భాగంగా భార‌త్ నుంచి రెస్క్యూ, మెడిక‌ల్ బృందాల‌ను పంపింది. ఈ క్ర‌మంలోనే ఆపరేషన్ దోస్త్ కింద మోహరించిన భారత ఆర్మీ వైద్య బృందం సహాయక చర్యలు ముగియడంతో భూకంప బాధిత దేశం టర్కీ నుంచి తిరిగి వచ్చింది. ఫిబ్రవరి 6న రెండు దేశాల్లోని వివిధ ప్రాంతాలు భూకంపం బారినపడి 40 వేల మందికి పైగా మృతి చెందిన నేపథ్యంలో ట‌ర్కీతో పాటు సిరియాకు సహాయం అందించేందుకు భారత్ 'ఆపరేషన్ దోస్త్'ను ప్రారంభించింద‌ని ప్ర‌భుత్వ అధికారులు పేర్కొన్నారు. 

ట‌ర్కీలోని తుర్కియేలోని Iskenderun ప్రాంతంలోని భారత ఆర్మీ వైద్య బృందం భూకంప బాధితులకు విస్తృత సేవలందించి స్వదేశానికి తిరిగి వచ్చింది. 99 మందితో కూడిన బృందం హటేలోని ఇస్కెండరున్ లో 30 పడకల ఫీల్డ్ ఆసుపత్రిని విజయవంతంగా ఏర్పాటు చేసి, దాదాపు 4,000 మంది రోగులకు చికిత్స చేసిందని విదేశాంగ మంత్రిత్వ శాఖ అధికార ప్రతినిధి అరిందమ్ బాగ్చి ట్వీట్ చేశారు.

ఫిబ్రవరి 6న రెండు దేశాల్లోని వివిధ ప్రాంతాలు భూకంపం బారినపడి 40 వేల మందికి పైగా మృతి చెందిన నేపథ్యంలో ట‌ర్కీతో పాటు సిరియాకు సహాయం అందించేందుకు భారత్ 'ఆపరేషన్ దోస్త్'ను ప్రారంభించింది. భూకంపం నేపథ్యంలో భారత్ సహాయక సామగ్రితో పాటు వైద్య, సహాయక బృందాలను ట‌ర్కీకి పంపింది. భూకంప సాయంలో భాగంగా భారత్ సిరియాకు సహాయక సామాగ్రి, మందులను కూడా అందించింది. 

ఇదిలావుండగా, ఫిబ్రవరి 6 భూకంపంలో చిక్కుకున్న వారి కోసం టర్కియేలో గాలింపు, సహాయక చర్యలు ముగియడంతో, ఆధునిక టర్కీ చరిత్రలో అత్యంత ఘోరమైన విపత్తు మిగిల్చిన శిథిలాల గుట్టలను తొలగించడానికి కూల్చివేత బృందాలు రంగంలోకి దిగాయి. భూకంపం కారణంగా ట‌ర్కీలో మరణించిన వారి సంఖ్య 44,377కు పెరిగింది. సిరియాలో మరణాల పూర్తి పరిధిని నిర్ణయించడానికి సమయం పట్టవచ్చని ఐక్యరాజ్యసమితి తెలిపింది. భూకంపం సంభవించిన కొద్ది రోజుల్లో ప్రభుత్వం ప్రకటించిన విపత్తు జోన్ గా ఉన్న 11 ప్రావిన్సుల్లో 6,040 ప్రకంపనలు సంభవించినట్లు ట‌ర్కీ విపత్తు నిర్వహణ విభాగం తెలిపింది. భూకంప తీవ్రత 7.8గా నమోదు కాగా, తొమ్మిది గంటల తర్వాత 7.5 తీవ్రతతో భూకంపం సంభవించింది.

ట‌ర్కీ పర్యావరణ, పట్టణీకరణ మంత్రిత్వ శాఖ తనిఖీ చేసిన సుమారు 105,794 భవనాలు ధ్వంసమయ్యాయి లేదా కూల్చివేత అవసరమయ్యేంత తీవ్రంగా దెబ్బతిన్నాయని మంత్రిత్వ శాఖ ఆదివారం తెలిపింది. వీటిలో 20,662 కుప్పకూలిపోయాయి. దెబ్బతిన్న లేదా ధ్వంసమైన భవనాలలో 384,500 యూనిట్లు ఉన్నాయి, వీటిలో ఎక్కువగా నివాస అపార్ట్మెంట్లు ఉన్నాయ‌ని అధికారులు తెలిపారు.