విపక్షాలు చేతులు కలిపితే బీజేపీ ఓటమి ఖాయం.. : రాహుల్ గాంధీ

New Delhi: విపక్షాలు చేతులు కలిపితే బీజేపీ ఓటమి ఖాయమని కాంగ్రెస్ పార్టీ మాజీ అధ్యక్షుడు రాహుల్ గాంధీ అన్నారు. అలాగే, దేశంలో హిందువులు-ముస్లింల మధ్య విభేదాలు వున్నాయని అంగీకరిస్తునే, ఈ పరిస్థితిని మీడియా చిత్రీకరించినంత ఘోరంగా లేదని నొక్కి చెప్పారు.   

Congress leader Rahul Gandhi: కాంగ్రెస్ నాయకులు, వయనాడు పార్లమెంట్ నియోజకవర్గ సభ్యులు రాహుల్ గాంధీ మరోసారి కేంద్రంలోని బీజేపీ సర్కారు గురించి ప్రస్తావిస్తూ కీలక వ్యాఖ్యలు చేశారు. విపక్షాలు చేతులు కలిపితే బీజేపీ ఓటమి ఖాయమని ఆయన అన్నారు. అలాగే, దేశంలో హిందువులు-ముస్లింల మధ్య విభేదాలు వున్నాయని అంగీకరిస్తునే, ఈ పరిస్థితిని మీడియా చిత్రీకరించినంత ఘోరంగా లేదని నొక్కి చెప్పారు. 

వివరాల్లోకెళ్తే.. ప్రతిపక్షాలన్నీ ఏకతాటిపైకి వచ్చి ప్రత్యామ్నాయం చూపిస్తే 2024 సార్వత్రిక ఎన్నికల్లో ప్రధాని నరేంద్ర మోడీ నేతృత్వంలోని భారతీయ జనతా పార్టీ (బీజేపీ) ప్రభుత్వాన్ని ఓడించవచ్చని కాంగ్రెస్ నేత రాహుల్ గాంధీ అన్నారు. 'భారతదేశ రెండు దృక్పథాలు ఒకదానికొకటి ఎదురెదురుగా ఉంటే... మేము విజయం సాధించగలం" అని ఈ నెల ప్రారంభంలో ఇటాలియన్ దినపత్రిక కొరియర్ డెల్లా సెరాకు ఇచ్చిన ఇంటర్వ్యూలో రాహుల్ గాంధీ అన్నారు.

కాగా, ఫిబ్రవరి 24 నుంచి 26 వరకు రాయ్ పూర్ లో జరిగే కాంగ్రెస్ కేంద్ర నిర్ణాయక మండలి 85వ ప్లీనరీకి కొద్ది రోజుల ముందు ఈ ఇంటర్వ్యూ ప్రచురితమైంది. 15,000 మందికి పైగా ప్రతినిధులు ప్లీనరీకి హాజరై ఆర్థిక, ఉపాధి, సామాజిక న్యాయం వంటి అంశాలపై చర్చించి కాంగ్రెస్ జాతీయ ఎన్నికల ప్రచారానికి దిశానిర్దేశం చేయనున్నారు. హిందువులు-ముస్లింల మధ్య పోలరైజేషన్‌ను గాంధీ అంగీకరించారు.. కాని పేదరికం, నిరక్షరాస్యత, ద్రవ్యోల్బణం, కోవిడ్ అనంతర చిన్న, అప్పుల పారిశ్రామికవేత్తలు-రైతుల వంటి వాస్తవ సమస్యల నుండి ప్రజలను మరల్చడానికి మీడియా దీనిని ఒక సాధనంగా చిత్రీకరించినంత ఘోరంగా లేదని నొక్కి చెప్పారు. 

భారతదేశం, ఫాసిజం గురించి అడిగిన ప్రశ్నకు రాహుల్ గాంధీ సమాధానమిస్తూ.. "ఫాసిజం ఇప్పటికే ఉంది. ప్రజాస్వామ్య వ్యవస్థలు కుప్పకూలుతాయి. పార్లమెంటు ఇప్పుడు పనిచేయడం లేదు. రెండేళ్లుగా నేను మాట్లాడలేకపోతున్నాను, నేను మాట్లాడిన వెంటనే వారు నా మైక్రోఫోన్ ఆఫ్ చేస్తారు. అధికారాల సమతుల్యత లేకుండా పోయింది. న్యాయం స్వతంత్రమైనదిగా లేదు. కేంద్రీకరణ సంపూర్ణమైనది. పత్రికలకు స్వేచ్ఛ లేకుండా పోయింది" అని అన్నారు. వచ్చే ఎన్నికల్లో ప్రధాని నరేంద్ర మోడీని ఓడించగలరా అనే ప్రశ్నకు రాహుల్ సమాధానమిస్తూ ప్రతిపక్షాల ఐక్యతపై విశ్వాసం వ్యక్తం చేశారు. ప్రతిపక్షాలు ఏకమైతే భారతీయ జనతా పార్టీ 100% ఓడిపోతుందని రాహుల్ అన్నారు.

భారత్-చైనా సంబంధాలను ప్రస్తావిస్తూ, అవి శాంతియుత పోటీకి సంబంధించినవిగా ఉండాలని ఆయన అన్నారు. పారిశ్రామిక స్థాయిలో, ముఖ్యంగా తక్కువ విలువ ఆధారిత ఉత్పత్తిలో చైనాతో పాశ్చాత్య దేశాలు పోటీ పడగలవని తాను అనుకోవడం లేదన్నారు. గాంధీ తన భారత్ జోడో యాత్ర గురించి ప్రస్తావిస్తూ, ఇది తపస్సు వంటిదని అన్నారు. "... ప్రతి ఒక్కరికీ పరిమితులు ఉంటాయి, నాతో సహా... ప్రపంచంలోనే అతి ప్రాచీన భాష అయిన సంస్కృతంలో తపస్సు అనే పదం ఉంది, ఇది పాశ్చాత్య మనస్సుకు అర్థం కావడం కష్టం. కొందరైతే త్యాగం, సహనం అని అనువదిస్తారు..." అని అన్నారు. దశాబ్దాల్లో కాంగ్రెస్ చేపట్టిన అతిపెద్ద ప్రజాకర్షణ అయిన ఈ యాత్ర భారతీయుల అసాధారణ స్థితిస్థాపకతను అర్థం చేసుకునేలా చేసిందని ఆయన అన్నారు.