పెళ్లి చేసుకోమన్న తండ్రి...చదువుకుంటానన్న కూతురు: కక్షతో కన్నబిడ్డనే
సారాంశం
తాము పడే కష్టం తమ పిల్లలు పడకూడదనే ఉద్దేశ్యంతో రెక్కలు ముక్కలు చేసుకుని వారిని కార్పోరేట్ కాలేజీల్లో చదవిస్తున్నారు తల్లీదండ్రులు. అయితే చదుకుంటానన్న పాపానికి కన్న కూతురినే చంపేందుకు ప్రయత్నించాడో తండ్రి.
తాము పడే కష్టం తమ పిల్లలు పడకూడదనే ఉద్దేశ్యంతో రెక్కలు ముక్కలు చేసుకుని వారిని కార్పోరేట్ కాలేజీల్లో చదవిస్తున్నారు తల్లీదండ్రులు. అయితే చదుకుంటానన్న పాపానికి కన్న కూతురినే చంపేందుకు ప్రయత్నించాడో తండ్రి.
వివరాల్లోకి వెళితే.. ఉత్తరప్రదేశ్లోని షాజహాన్పూర్లో చోటు చేసుకుంది. ఓ వ్యక్తి తన 15 ఏళ్ల కూతురికి పెళ్లి చేయాలని నిర్ణయించుకున్నాడు. అయితే ఆమెకు చదువుకోవాలని ఉండటంతో అప్పుడే పెళ్లి ఇష్టం లేదని చెప్పేసింది.
దీనిని జీర్ణించుకోలేకపోయిన తండ్రి.. కూతురిపై కక్ష పెంచుకున్నాడు. ఓ రోజు కత్తితో విచక్షణారహితంగా పొడిచి కాలువలో పడేశాడు. అతి కష్టం మీద ఈదుకుంటూ ఒడ్డుకు చేరిన బాలిక ఎలాగో తప్పించుకుంది.
ఈ ఘటనపై బాధితురాలి బావ పోలీసులకు ఫిర్యాదు చేశాడు. నాన్న నన్ను కాలువ దగ్గరకు తీసుకెళ్ళి సోదరుడి సాయంతో చంపాలని చూశాడని బాలిక వాపోయింది. తన సోదరుడు గుడ్డతో గొంతు బిగిస్తే.. నాన్న వెనుక నుంచి కత్తితో పలుమార్లు పొడిచాడని తెలిపింది.