Kolkata Airport Fire: విమానాశ్రయ ప్రమాదంపై స్పందించిన కేంద్రమంత్రి సింధియా.. ఇంతకీ ఏమన్నారంటే..? 

Kolkata Airport Fire: కోల్‌కతా విమానాశ్రయంలో భద్రతా తనిఖీల వద్ద మంటలు చెలరేగాయి. దీంతో  విమానాశ్రయంలో గందరగోళం నెలకొంది. ఈ ఘటనపై కేంద్ర పౌర విమానయాన శాఖ మంత్రి జ్యోతిరాదిత్య సింధియా విచారం వ్యక్తం చేశారు. 

Kolkata Airport Fire: పశ్చిమ బెంగాల్ రాజధాని కోల్‌కతాలోని నేతాజీ సుభాష్ చంద్రబోస్ అంతర్జాతీయ విమానాశ్రయంలో బుధవారం రాత్రి అగ్నిప్రమాదం జరిగింది. విమానాశ్రయం 3C బయలుదేరే టెర్మినల్ భవనంలోని గేట్ నంబర్ త్రీ సమీపంలో ప్రమాదం చోటుచేసుకుందని విమానాశ్రయ అధికారి తెలిపారు. దీని తరువాత.. సెక్షన్-3 బయలుదేరడానికి మూసివేయబడింది. మంటలను ఆర్పేందుకు నాలుగు ఫైరింజన్లు రంగంలోకి దిగి మంటలను అదుపులోకి తీసుకొచ్చాయి. ప్రస్తుతం ప్రాణనష్టం గురించి ఎలాంటి సమాచారం లేదు. అగ్నిప్రమాదానికి షార్ట్‌సర్క్యూటే కారణమని భావిస్తున్నారు. ఎన్‌డిఆర్‌ఎఫ్ బృందం కూడా మంటలర్పడంతో సహాయపడ్డాయి. 

దుకాణంలో మంటలు చెలరేగాయి: అగ్నిమాపక సిబ్బంది

ఓ దుకాణంలో మంటలు చెలరేగినట్లు అగ్నిమాపక శాఖ అధికారి తెలిపారు.  కొన్ని పేపర్లు కాలిపోయాయి. 15 నిమిషాల్లో మంటలను ఆర్పివేశామని తెలిపారు. మంటలు చెలరేగిన ప్రదేశానికి సమీపంలో బెల్ట్ ఉందని, అయితే మంటలు అక్కడికి చేరుకోలేదని అధికారి తెలిపారు.

ప్రమాదం కారణంగా  చెక్-ఇన్ ప్రక్రియను నిలిపివేత

చెక్-ఇన్ ఏరియా పోర్టల్-డి వద్ద రాత్రి 9:12 గంటలకు స్వల్ప అగ్నిప్రమాదం జరిగిందని ఎయిర్‌పోర్ట్ అథారిటీ ఆఫ్ ఇండియా తెలిపింది. దీంతో చుట్టుపక్కల పొగలు అలుముకున్నాయి. రాత్రి 9:40 గంటలకు పూర్తిగా అదుపులోకి వచ్చాయి. అంతకుముందు ప్రయాణికులందరినీ సురక్షితంగా బయటకు తీసుకురాగా.. చెక్-ఇన్ ప్రాంతంలో పొగలు రావడంతో చెక్-ఇన్ ప్రక్రియను నిలిపివేశారు. చెక్-ఇన్  కార్యకలాపాలు నెమ్మదిగా పునరుద్ధరించబడుతున్నాయి.

జ్యోతిరాదిత్య సింధియా విచారం

మరోవైపు ఈ ఘటనపై కేంద్ర పౌర విమానయాన శాఖ మంత్రి జ్యోతిరాదిత్య సింధియా విచారం వ్యక్తం చేశారు. కోల్‌కతా విమానాశ్రయంలోని చెక్-ఇన్ కౌంటర్ దగ్గర దురదృష్టకరమని, అయితే స్వల్ప అగ్నిప్రమాదం జరిగిందని ఆయన అన్నారు. తాను ఎయిర్‌పోర్ట్ డైరెక్టర్‌తో టచ్‌లో ఉన్నానని తెలిపారు. 

ప్రయాణికులు, సిబ్బంది అంతా ఆ ప్రాంతం నుంచి ఖాళీ చేయబడ్డారు. అందరూ క్షేమంగా ఉన్నారు. ఎటువంటి గాయాలు సంభవించలేదు. రాత్రి 10:25 గంటలకు చెక్-ఇన్ ప్రక్రియ మళ్లీ ప్రారంభమైంది. అగ్నిప్రమాదానికి గల కారణాలను వీలైనంత త్వరగా తెలుసుకుంటామన్నారు.

విమాన సర్వీసులపై ప్రభావం

ఈ ఘటన తర్వాత విమానాశ్రయం నుంచి వెళ్లే విమానాల కార్యకలాపాలు ఎలాంటి అంతరాయం కలగలేదనీ,  చెక్ ఇన్ ప్రాసెస్ కార్యకలాపాలు రాత్రి 10 . 25 నిమిషాలకు పున: ప్రారంభమయ్యాయని అధికారులు తెలిపారు. మంటలు ఎగిసిపడటంతో ప్రయాణికులు భయాందోళనకు గురయ్యారు.