గుడ్‌న్యూస్: ఐఐటీ-జేఈఈ మెయిన్స్, నీట్ పరీక్షల షెడ్యూల్ ఇదీ

ఐఐటీ -జేఈఈ మెయిన్స్ పరీక్షలను ఈ ఏడాది జూలై 18-23 మధ్య నిర్వహించనున్నట్టుగా కేంద్ర ప్రభుత్వం మంగళవారం నాడు ప్రకటించింది.మరోవైపు జేఈఈ అడ్వాన్స్‌డ్ పరీక్షలు ఆగష్టు మాసంలో జరుగుతాయని కేంద్రం స్పష్టం చేసింది.

న్యూఢిల్లీ: ఐఐటీ -జేఈఈ మెయిన్స్ పరీక్షలను ఈ ఏడాది జూలై 18-23 మధ్య నిర్వహించనున్నట్టుగా కేంద్ర ప్రభుత్వం మంగళవారం నాడు ప్రకటించింది.మరోవైపు జేఈఈ అడ్వాన్స్‌డ్ పరీక్షలు ఆగష్టు మాసంలో జరుగుతాయని కేంద్రం స్పష్టం చేసింది.

కేంద్ర మానవ వనరుల అభివృద్ధిశాఖ మంత్రి రమేష్ పొఖ్రియాల్ ఇవాళ న్యూఢిల్లీలో ఈ విషయాన్ని ప్రకటించారు.ఐఐటీ -జేఈఈ పరీక్షలతో పాటు నీట్ పరీక్షలపై కూడ కేంద్రం స్పష్టత ఇచ్చింది. ఈ ఏడాది జూలై 26వ తేదీన నీట్ పరీక్షలను నిర్వహించనున్నట్టుగా కేంద్ర మంత్రి తెలిపారు.

ఐఐటీ -జేఈఈ  మెయిన్స్ పరీక్షలను జూలై 18, 20, 21, 22, 23 తేదీల్లో నిర్వహించనున్నారు. జేఈఈ అడ్వాన్స్‌డ్ పరీక్షలను ఆగష్టు మాసంలో నిర్వహించనున్నట్టుగా కేంద్రం తెలిపింది. కానీ, ఏ రోజున ఈ పరీక్షలు నిర్వహిస్తామనే విషయాన్ని స్పష్టం చేయలేదు. ఈ తేదీని తర్వాత ప్రకటించనున్నట్టుగా కేంద్ర మంత్రి తెలిపారు.

లాక్ డౌన్ నేపథ్యంలో దేశంలోని  పలు రాష్ట్రాలు పలుు ప్రవేశ పరీక్షలను రద్దు చేశాయి. ఐఐటీ -జేఈఈ , నీట్ పరీక్షల షెడ్యూల్ విడుదల కావడంతో ఇతర రాష్ట్రాలు కూడ పరీక్షల షెడ్యూల్ కూడ ప్రకటించే అవకాశం ఉంది.

పెండింగ్ లో ఉన్న సీబీఎస్ఈ 10, 12 తరగతుల పరీక్షలపై కూడ బోర్డు నిర్ణయం తీసుకొనే ఛాన్స్ ఉంది.  దేశంలోని ఇంజనీరింగ్ కాలేజీల్లో ప్రవేశం కోసం ఐఐటీ-జేఈఈ ప్రవేశ పరీక్షలు నిర్వహిస్తారు. మెడికల్ కాలేజీల్లో ప్రవేశం కోసం నీట్ పరీక్షలను నిర్వహించనున్నారు.

ఈ ఏడాది నీట్ పరీక్షల కోసం 15 లక్షల మంది ధరఖాస్తు చేసుకొన్నారు. జేఈఈ  మెయిన్స్ పరీక్షల కోసం 9 లక్షల మంది ధరఖాస్తు చేసుకొన్నారు.