హర్యానా హోం మంత్రికి యాక్సిడెంట్.. సురక్షితంగానే మంత్రి

హర్యానా హోం మంత్రి అనిల్ విజ్‌ కాన్వాయ్‌ను ఓ ట్రక్ ఢీకొట్టింది. ట్రక్ ఢీకొట్టిన ఎస్‌యూవీ.. ముందు ఉన్న మంత్రి కారు సెడాన్‌ను ఢీకొట్టింది. ఈ ప్రమాదంలో హోం మంత్రికి గాయాలేవీ కాలేవని, ఆయన సురక్షితంగానే ఉన్నాడని విశ్వసనీయ వర్గాలు వివరించాయి.  

న్యూఢిల్లీ: హర్యానా హోం మంత్రి అనిల్ విజ్ కాన్వాయ్‌‌ను ఓ ట్రక్ ఢీకొట్టింది. కుండ్లీ - మనేసర్- పల్వాల్ ఎక్స్‌ప్రెస్ వే పై శనివారం ఈ ప్రమాదం జరిగింది. కాన్వాయ్ వెనుక వైపు నుంచి ఈ ట్రక్ ఢీకొట్టినట్టు విశ్వసనీయ వర్గాలు వివరించాయి. ఈ ప్రమాదంలో హర్యానా హోం మంత్రి అనిల్ విజ్ సురక్షితంగానే ఉన్నట్టు తెలిపాయి.

హోం మంత్రి అనిల్ విజ్ వెంట ఉన్న కాన్వాయ్‌లోని  ఎస్‌యూవీని ట్రక్ ఢీకొట్టింది. దీంతో ఆ ఎస్‌యూవీ పట్టుతప్పి ముందున్న మంత్రి అనిల్ విజ్ ప్రయాణిస్తున్న సెడాన్ కారును ఢీకొట్టింది.

హర్యానా మోం మంత్రి సురక్షితంగానే, గాయపడకుండానే ఉన్నట్టు తెలిసింది.

ఈ యాక్సిడెంట్‌ను హర్యానా మంత్రి అనిల్ విజ్ ధ్రువీకరించారు. ట్రక్ డ్రైవర్ ఇయర్ ప్లగ్స్‌తో డ్రైవ్ చేస్తున్నట్టు వివరించారు. సెక్యూరిటీ సిబ్బంది అంతా సురక్షితంగానే ఉన్నారని ఆయన పేర్కొన్నారు. అంబాలాలోని తన నివాసానికి వస్తున్నట్టు చెప్పారు.