కరోనా తరహలోనే హెచ్ 3 ఎన్2 వైరస్ వ్యాప్తి: రణదీప్ గులేరియా

  హెచ్‌3 ఎన్2  వైరస్  కేసులు దేశంలో  రోజు రోజుకి పెరుగుతున్నాయి.  మరో వైపు   ఈ వైరస్ కారణంగా  ప్రమాదం  లేదని వైద్యులు చెబుతున్నారు.   

న్యూఢిల్లీ:కరోనా మాదిరిగానే హెచ్ 3 ఎన్2  ఇన్ ఫ్లూయెంజా  వైరస్ వ్యాప్తి  చెందే  అవకాశం ఉందని  ఎయిమ్స్ మాజీ డైరెక్టర్ రణదీప్ గులేరియా చెప్పారు.దేశంలో  జలుబు, దగ్గు, జ్వరంతో  బాధపడే వారి సంఖ్య రోజు రోజుకు పెరిగిపోతుందని   వైద్యులు  చెబుతున్నారు.  హెచ్ 3 ఎన్2  ఇన్ ఫ్లూయెంజా  వైరస్  కారణంగానే   జలుబు, దగ్గు, జ్వరానికి గురౌతున్నారని  వైద్యులు  గుర్తించారు.

హెచ్ 3 ఎన్2  ఇన్ ఫ్లూయెంజా  వైరస్  కారణంగా  జ్వర పీడితుల సంఖ్య పెరుగుతుందని  వైద్యులు తెలిపారు.హెచ్ 3 ఎన్2  ఇన్ ఫ్లూయెంజా  వైరస్ కాలక్రమేణా  పరివర్తన  చెందుంతుందని  ఎయిమ్స్ మాజీ డైరెక్టర్  రణదీప్ గులేరియా  చెప్పారు.  గతంలో  హెచ్1ఎన్1 వైరస్ ప్రభావం ఉన్న విషయాన్ని  ఆయన గుర్తు  చేశారు. 

ఈ వైరస్ బారినపడకుండా ఉండాలంటే  మాస్కును వాడాలని  గులేరియా  సూచించారు. చేతులు తరచుగా  శుభ్రం  చేసుకోవాలని  వైద్యులు  సూచిస్తున్నారు.  ఈ వైరస్ సోకిన  వారికి  ఐదు రోజుల పాటు  జ్వరం ఉంటుందని ఐఎంఏ తెలిపింది.  జ్వరం, జలుబు, దగ్గు ఉందని   యాంటీ బయాటిక్ లు తీసుకోకుండా ఉండాలని కూడా  ఐఎంఏ సూచించింది.

రెండు తెలుగు రాష్ట్రాల్లో  యాంటీ బయాటిక్  ల వాడకం  ఎక్కువగా  ఉందని  ఐసీఎంఆర్ గుర్తించింది.   యాంటీ బయాటిక్ ల వాడకాన్ని తగ్గించాలని ఐసీఎంఆర్  సూచించింది.  వైద్యుల సలహ లేకుండా  నేరుగా మెడికల్ దుకాణానికి వెళ్లి మందులు తీసుకొనే   పద్దతిని మానుకోవాలని  ఐసీఎంఆర్  సూచించింది.

హెచ్ 3 ఎన్2  ఇన్ ఫ్లూయెంజా  వైరస్  ప్రమాదకరం కాదని  వైద్యులు  చెబుతున్నారు. అయితే  ఈ వైరస్  కరోనా మాదిరిగానే  ఒకరి  నుండి మరొకరికి వ్యాప్తి చెందే అవకాశం ఉందని  వైద్యులు  చెబుతున్నారు. బహిరంగ ప్రదేశాలు, రద్దీగా  ఉన్న ప్రాంతాల్లో  మాస్కులు తప్పనిసరిగా  ధరించాలని వైద్యులు  సూచిస్తున్నారు. దేశ వ్యాప్తంగా  ఈ వైరస్ కేసులు ఎక్కువగా  నమోదౌతున్నాయి.

ఈ కేసుల పట్ల  ప్రజలు అప్రమత్తంగా  ఉండాలని వైద్య నిపుణులు సూచిస్తున్నారు. ఈ వైరస్ పట్ల వృద్దులు,  చిన్న పిల్లలు జాగ్రత్తగా  ఉండాలని  ఐసీఎంఆర్  సూచిస్తుంది. దీర్ఘకాల వ్యాధులతో  బాధపడుతున్నవారంతా  ఈ వైరస్ పట్ల అప్రమత్తంగా  ఉండాలని  వైద్య నిపుణులు  సూచించారు.