మద్యం మత్తులో డ్రైవింగ్.. రోడ్డు మధ్యలో కారు ఆపేసి నిద్రలోకి జారుకున్న మందుబాబు..!

మందుబాబులు ఫుల్‌గా మద్యం తాగిన ఏం చేస్తారో వారికే తెలియదు. మద్యం మత్తులో నానా రచ్చ చేస్తున్న ఘటనలు చూస్తూనే ఉంటాం. తాజాగా మద్యం మత్తులో ఓ వ్యక్తి కారును రోడ్డు మధ్యలో ఆపేసి.. నిద్రలోకి జారుకున్నాడు. దీంతో ఆ ప్రాంతంలో భారీగా ట్రాఫిక్ జామ్ అయింది. ఈ ఘటన కర్ణాటలోని మడికేరి పట్టణంలో చోటుచేసుకుంది. వివరాలు.. శుక్రవారం మడికేరి‌లోని ఓ వైన్ షాప్‌లో మద్యం తాగిన వ్యక్తి.. తర్వాత కారులో అక్కడి నుంచి బయలుదేరాడు. 

అయితే కొద్దిదూరం కారు నడిపిన అతడు.. అనంతరం రోడ్డు మధ్యలో కారును ఆపేశాడు. కారులోనే నిద్రపోయాడు. దీంతో ఆ రోడ్డులో వాహనాల రాకపోకలు నిలిచిపోయాయి. ఇందుకు సంబంధించి సమాచారం తెలుసుకున్న పోలీసులు అక్కడికి చేరుకుని పరిస్థితిని చక్కదిద్దాడు. ఈ ఘటనకు సంబంధించి రోడ్డుపై కారు నిలిపిన మందుబాబుపై పోలీసులు డ్రంక్ అండ్ డ్రైవ్ కేసు నమోదు చేశారు.