Cyclone Biparjoy : దూసుకొస్తున్న తుఫాన్.. 74 వేల మందిని సురక్షిత ప్రాంతాలకు తరలింపు..

Cyclone Biparjoy : బిపార్జోయ్ తుఫాను గురువారం కచ్ గుజరాత్‌ను దాటే అవకాశం ఉంది. బిపార్జోయ్ ప్రభావం కారణంగా సౌరాష్ట్ర, కచ్‌లోని లోతట్టు ప్రాంతాలలో ఎత్తైన సముద్రపు అలలు పెరగడం,ఆ ప్రాంతం మునిగిపోవడం వంటి పరిస్థితులు తలెత్తవచ్చు.

Cyclone Biparjoy: సైక్లోన్ బైపార్జోయ్ ప్రమాదకర రూపం దాల్చుతోంది. గుజరాత్‌తో ఢీకొనేందుకు ఇంకా కొన్ని గంటల సమయం మాత్రమే మిగిలి ఉంది. దీనికి ముందు..ప్రభుత్వం తీర ప్రాంతాల నుండి వేలాది మందిని షెల్టర్ హోమ్‌లకు తరలించింది. కాగా, బుధవారం నుంచే గుజరాత్‌లోని పలు ప్రాంతాల్లో భారీ వర్షాలు కూడా ప్రారంభమయ్యాయి. ఈ తరుణంలో రాష్ట్ర ప్రభుత్వాలు, కేంద్రం నిరంతరం పరిస్థితిని పర్యవేక్షిస్తున్నాయి. 

సైక్లోన్ బిపార్జోయ్ సంబంధించిన కీలక పరిణామాలు

1. భారత వాతావరణ శాఖ(IMD) ప్రకారం.. అరేబియా సముద్రంలో ఉద్భవించిన తుఫాను బిపార్జోయ్ గురువారం సాయంత్రం గుజరాత్‌లోని కచ్, సౌరాష్ట్ర ప్రాంతం, మాండ్వీ తీరం, దక్షిణ పాకిస్తాన్‌లోని కరాచీ ప్రాంతాలు తాకే అవకాశముంది. ఈ సమయంలో గాలి వేగం గంటకు 125-135 కి.మీ ఉందవచ్చనీ, ఇది ప్రక్రియలో కొంచెం బలహీనపడుతోంది, అయితే ఇది ఇప్పటికీ తుఫాను ఉప్పెన, బలమైన గాలులు, భారీ వర్షం ముప్పును కలిగిస్తుంది.

2. జూన్ 6న ఆగ్నేయ అరేబియా సముద్రంలో ఏర్పడినప్పటి నుండి బైపార్జోయ్ నిరంతరం ఉత్తరం వైపు కదులుతూ బలపడుతోంది. జూన్ 11న అది అత్యంత తీవ్రమైన తుఫానుగా మారింది. ఈ తుఫాన్ ప్రభావం వల్ల గాలి వేగం గంటకు 160 కి.మీ కంటే ఎక్కువగా ఉంది. 

3. భారత వాతావరణ శాఖ (IMD) డైరెక్టర్ జనరల్ (IMD) మృత్యుంజయ్ మోహపాత్ర మాట్లాడుతూ.. బిపార్జోయ్ బుధవారం మార్గాన్ని మార్చుకుని, ఈశాన్య దిశలో కచ్,  సౌరాష్ట్ర వైపు కదులుతుందని చెప్పారు. ఆ తర్వాత గురువారం సాయంత్రం జఖౌ ఓడరేవు సమీపంలో వెళుతుందని తెలిపారు. 

4. గిర్, సోమనాథ్, ద్వారక వంటి ప్రసిద్ధ ప్రదేశాలకు పర్యాటకుల రాకపోకలను పరిమితం చేయాలని వాతావరణ కార్యాలయం అధికారులను కోరింది. ప్రజలను సురక్షిత ప్రదేశాలలో ఉండాలని కోరింది. ఈదురు గాలుల వల్ల  ఇళ్లు ధ్వంసం కావడం, కచ్చా ఇళ్లు అపార నష్టం, పక్కా ఇళ్లు స్వల్పంగా దెబ్బతినే అవకాశం ఉంది.

5. ఈ తుఫాన్ నేపథ్యంలో రక్షణ మంత్రి రాజ్‌నాథ్ సింగ్ బుధవారం త్రివిధ దళాధిపతులతో మాట్లాడారు. బిపార్జోయ్ తుఫాను ప్రభావాలను ఎదుర్కొనేందుకు సాయుధ బలగాల సంసిద్ధతను సమీక్షించారు. సన్నద్ధతను సమీక్షించిన అనంతరం రాజ్‌నాథ్ సింగ్ మాట్లాడుతూ.. తుపాను కారణంగా తలెత్తే ఎలాంటి పరిస్థితులనైనా ఎదుర్కొనేందుకు సాయుధ బలగాలు అన్ని విధాలా సహాయ సహకారాలు అందించేందుకు సిద్ధంగా ఉన్నాయని తెలిపారు. త్రివిధ దళాధిపతులతో మాట్లాడి బిపార్జోయ్ తుపానుకు సంబంధించి సాయుధ బలగాల సంసిద్ధతను సమీక్షించారు. ఆర్మీ, నేవీ, బోర్డర్ సెక్యూరిటీ ఫోర్స్ (BSF) కూడా సహాయక చర్యలకు సిద్ధంగా ఉన్నాయి.

6. గుజరాత్ తీర ప్రాంతాల నుండి ఇప్పటివరకు 74 వేల మందికి పైగా ప్రజలను ఖాళీ చేయించి, తాత్కాలిక షెల్టర్ క్యాంపులకు తరలించారు. ఒక్క కచ్ జిల్లాలోనే దాదాపు 34,300 మందిని, జామ్‌నగర్‌లో 10,000 మందిని, మోర్బీలో 9,243 మందిని, రాజ్‌కోట్‌లో 6,089 మందిని, దేవభూమి ద్వారకలో 5,035 మందిని, జునాగఢ్‌లో 4,604 మంది, పూర్ సోబంద్ జిల్లాలో 3,4609 మందిని సురక్షిత ప్రాంతాలకు తరలించారు.

7. తుఫాను తాకిడికి ఎదుర్కొనేందుకు  జాతీయ విపత్తు ప్రతిస్పందన దళం (NDRF) గుజరాత్ , మహారాష్ట్రలలో సహాయక చర్యలను నిర్వహించడానికి మొత్తం 33 బృందాలను కేటాయించింది. NDRF యొక్క 18 బృందాలను గుజరాత్‌లో ఉంచారు. ఒకటి డయ్యూలో మోహరించారు. డయ్యూ ఉత్తరాన గుజరాత్‌లోని గిర్ సోమనాథ్, అమ్రేలి జిల్లాలతో మరియు మూడు వైపులా అరేబియా సముద్రంచే చుట్టబడి ఉంది. గుజరాత్‌లో ఎన్‌డిఆర్‌ఎఫ్ మోహరింపు గురించి సమాచారం ఇస్తూ.. కచ్ జిల్లాలో నాలుగు ఎన్‌డిఆర్‌ఎఫ్ బృందాలు, రాజ్‌కోట్, దేవభూమి ద్వారకలో ఒక్కొక్కటి మూడు, జామ్‌నగర్‌లో రెండు, పోర్‌బందర్, జునాగఢ్, గిర్ సోమనాథ్, మోర్బి, వల్సాద్, గాంధీనగర్‌లలో ఒక్కొక్కటి మోహరించినట్లు అధికారులు తెలిపారు.  

8. మహారాష్ట్రలో మొత్తం 14 NDRF బృందాలలో ఐదుగురు ముంబైలో మోహరించారు. మిగిలినవి సిద్ధంగా ఉంచబడ్డాయి. ఈ టీమ్‌లలో  35-40 మంది సిబ్బంది ఉంటారు. అదే సమయంలో ముంబై బీచ్‌లలో నీట మునిగిపోయే సంఘటనలను నివారించడానికి ముంబైలోని మొత్తం 6 పబ్లిక్ బీచ్‌లలో 120 మంది లైఫ్‌గార్డ్‌లను నియమించాలని BMC నిర్ణయించింది.

9. ఇదిలా ఉండగా.. జూన్ 17న ఒడిశాలో జరగాల్సిన కేంద్ర హోంమంత్రి అమిత్ షా పర్యటన బైపార్జోయ్ తుఫాను దృష్ట్యా వాయిదా పడింది. ప్రధాని మోదీ, షా ఇద్దరూ తుపానును ప్రత్యక్షంగా పర్యవేక్షిస్తున్నారు. అందువల్ల శనివారం కేంద్ర హోంమంత్రి ఒడిశాలో పర్యటించడం సాధ్యం కాదు. గుజరాత్ ముఖ్యమంత్రి భూపేంద్ర పటేల్ కూడా తుఫాను వ్యాప్తిని ఎదుర్కోవడానికి సంసిద్ధతను సమీక్షించారు మరియు రాష్ట్ర ప్రభుత్వ అత్యవసర ఆపరేషన్ కేంద్రాన్ని కూడా సందర్శిస్తున్నారు.

10. జూన్ 15న గుజరాత్ తీరానికి తుపాను రాకతో రాష్ట్రంలో వర్షాల తీవ్రత పెరుగుతుందని, కచ్, దేవభూమి ద్వారక , జామ్‌నగర్‌లోని కొన్ని చోట్ల అతి భారీ వర్షాలు కురుస్తాయని IMD ఒక బులెటిన్‌లో తెలిపింది. తుఫాను కారణంగా, సౌరాష్ట్ర,  ఉత్తర గుజరాత్ ప్రాంతంలోని పోర్‌బందర్, రాజ్‌కోట్, మోర్బి, జునాగఢ్, ఇతర జిల్లాల్లో భారీ నుండి అతి భారీ వర్షాలు కురుస్తాయని అంచనా.