వివాహేతర సంబంధం: జంటకు చెప్పుల దండ, దాడి

వివాహేతర సంబంధం ఉందనే నెపంతో ఓ జంటపై గ్రామస్థులు  చెప్పుల దండ వేసి దాడి ఊరేగించారు. ఈ ఘటన ఉత్తర్‌ప్రదేశ్ రాష్ట్రంలోని ఆగ్రాలో చోటు చేసుకొంది.

ఆగ్రా: వివాహేతర సంబంధం ఉందనే నెపంతో ఓ జంటపై గ్రామస్థులు  చెప్పుల దండ వేసి దాడి ఊరేగించారు. ఈ ఘటన ఉత్తర్‌ప్రదేశ్ రాష్ట్రంలోని ఆగ్రాలో చోటు చేసుకొంది.

వివాహేతర సంబంధం ఉందనే నెపంతో ఇద్దరిని గ్రామస్తులు బంధించి చిత్రహింసలు పెట్టారు. చెప్పుల దండ వేసి అవమానించారు. గ్రామంలో ఊరేగించారు.ఆగ్రాకు సమీపంలోని జఖా గ్రామంలో ఈ ఘటన చోటు చేసుకొంది. అక్రమ సంబంధం పెట్టుకొన్న దంపతులను గ్రామస్తులు చెప్పులతో కొట్టారు.

ఈ సంఘటనకు సంబంధించిన వీడియో సోషల్ మీడియాలో వైరల్ గా మారింది.ఓ యువతి, యువకుడు గ్రామం వదిలి వెళ్లారు. ఈ నెల 5వ తేదీన ఈ జంట గ్రామానికి వచ్చింది.గ్రామానికి వచ్చిన జంటను ఈ నెల 6వ తేదీన గ్రామస్తులు దండించారు. ఈ జంట ఒకే సామాజికవర్గానికి చెందినవారు.వివాహిత యువకుడితో వివాహేతర సంబంధం కలిగి ఉందని స్థానికులు ఆరోపిస్తున్నారు. ఈ విషయం తెలిసిన వివాహిత భర్త ఆమెను తీసుకొని తాజ్ గంజ్ ప్రాంతానికి వెళ్లాడు. 

అయితే భర్త నివాసం నుండి వివాహిత నెల రోజుల క్రితం అదృశ్యమైంది. రెండు రోజుల క్రితం యువకుడితో కలిసి గ్రామానికి వచ్చింది. దీంతో వీరిద్దరిని గ్రామస్తులు చితకబాదారు.