Jammu Kashmir: "తగిన సంఖ్యలో యాత్రికులు అందుబాటులో లేనందున అమర్నాథ్ యాత్ర జమ్మూ నుండి నిలిపివేయబడింది. యాత్ర ముగిసేలోపు మేము మరో బ్యాచ్ని పంపే అవకాశాలు అయితే ఉన్నాయి" అని అధికారులు తెలిపారు.
Amarnath Yatra Pilgrims: యాత్రికుల సంఖ్య తగ్గడంతో జమ్మూ నుంచి అమర్నాథ్ యాత్ర నిలిచిపోయింది. యాత్రికుల రాక బాగా తగ్గడంతో ఆదివారం రెండో రోజు భగవతి నగర్ బేస్ క్యాంపు నుంచి అమర్నాథ్ యాత్రను నిలిపివేసినట్లు అధికారులు తెలిపారు. అయితే, తాజాగా 378 మంది యాత్రికులు జమ్మూ కాశ్మీర్లోని పూంచ్ జిల్లాలోని బుద్ధ అమర్నాథ్ మందిరానికి పూజలు చేసేందుకు బేస్ క్యాంప్ నుండి బయలుదేరినట్లు వారు తెలిపారు. 3,880 మీటర్ల ఎత్తైన గుహ మందిరానికి 43 రోజుల వార్షిక తీర్థయాత్ర జూన్ 30న జంట మార్గాల నుండి ప్రారంభమైంది. అనంత్నాగ్లోని సాంప్రదాయ 48-కిమీ నున్వాన్-పహల్గామ్ మార్గం, గందర్బాల్లోని 14-కిమీ చిన్న బాల్తాల్ మార్గంలో అమర్నాథ్ యాత్ర ఇది ఆగస్ట్ 11న "రక్షా బంధన్"తో వచ్చే "శ్రావణ పూర్ణిమ" సందర్భంగా ముగుస్తుంది.
"తగినంత సంఖ్యలో యాత్రికులు అందుబాటులో లేనందున అమర్నాథ్ యాత్ర జమ్మూ నుండి నిలిపివేయబడింది. యాత్రికుల లభ్యతను బట్టి యాత్ర ముగిసేలోపు మేము మరో బ్యాచ్ని పంపవచ్చు" అని ఒక అధికారి తెలిపారు. భగవతి నగర్ బేస్ క్యాంపు గత కొన్ని రోజులుగా నిర్మానుష్యంగా మారిందని, దీంతో కమ్యూనిటీ కిచెన్ ఆపరేటర్లు తమ సేవలను నిలిపివేయాలని అధికారులు తెలిపారు. ఆగష్టు 2 న, జమ్మూ కాశ్మీర్ లెఫ్టినెంట్ గవర్నర్ మనోజ్ సిన్హా యాత్రికులు ఆగష్టు 5 లోపు గుహ పుణ్యక్షేత్రాన్ని సందర్శించాలని విజ్ఞప్తి చేశారు. ప్రతికూల వాతావరణం, ఆ తర్వాత మరిన్ని వర్షాలు పడే అంచనాల నేపథ్యంలో ఆయన ఈ సూచనలు చేశారు. ఈ సంవత్సరం దాదాపు మూడు లక్షల మంది యాత్రికులు ఈ గుహ క్షేత్రాన్ని సందర్శించారు. ఇక్కడ సహజంగా ఏర్పడిన మంచు శివలింగాన్ని చూసి తరించారు.
ఇదిలా ఉండగా, 11 రోజుల బుద్ధ అమర్నాథ్ యాత్ర ఆగస్టు 8న పూంచ్లోని శ్రీ దశనమి అఖారా నుండి "చారీ ముబారక్" బయలుదేరడంతో ముగుస్తుంది. ఆదివారం ఉదయం భగవతి నగర్ బేస్ క్యాంపు నుండి బయలుదేరిన తాజా యాత్రికుల బ్యాచ్లో 90 మంది మహిళలు, ఇద్దరు పిల్లలు ఉన్నారని అధికారులు తెలిపారు. పాదయాత్ర సజావుగా సాగుతున్నదని, జూలై 29న యాత్ర ప్రారంభమైనప్పటి నుంచి ఇప్పటి వరకు వేలాది మంది భక్తులు స్వామివారిని దర్శించుకున్నారని అధికారులు తెలిపారు.