జనవరి 6న ఎల్1 పాయింట్‌లోకి ప్రవేశించనున్న ఆదిత్య ఎల్1 మిషన్

ఆదిత్య ఎల్1ని శ్రీహరికోటలోని సతీష్ ధావన్ స్పేస్ సెంటర్ నుంచి సెప్టెంబర్ 2న విజయవంతంగా ప్రయోగించారు. అంతరిక్ష నౌక, భూమి నుండి 125 రోజుల పాటు సుమారు 1.5 మిలియన్ కిమీ ప్రయాణించిన తర్వాత, సూర్యునికి దగ్గరగా పరిగణించబడే లాగ్రాంజియన్ పాయింట్ L1 చుట్టూ ఒక హాలో కక్ష్యలో ప్రవేశిస్తుంది.

గుజరాత్‌ : శుక్రవారం గుజరాత్‌లో జరిగిన ఒక కార్యక్రమంలో భారత అంతరిక్ష పరిశోధనా సంస్థ (ఇస్రో) చైర్మన్ ఎస్ సోమనాథ్ మాట్లాడారు. ఆదిత్య ఎల్1 మిషన్ కు సంబంధించిన లేటెస్ట్ అప్ డేట్ పంచుకున్నారు.  శుక్రవారం వైబ్రంట్ గుజరాత్ గ్లోబల్ సమ్మిట్ 2024లో పాల్గొన్న ఇస్రో ఛైర్మన్ ఎస్ సోమనాథ్ ఆయన మాట్లాడుతూ... "జనవరి 6 (బుధవారం)న ఆదిత్య ఎల్1 ఎల్1 పాయింట్‌లోకి ప్రవేశిస్తుందని అంచనా వేస్తున్నాం. ఖచ్చితమైన సమయం ఏమిటనేది సరైన సమయంలో ప్రకటిస్తాం" అని తెలిపారు. 

అంతకుముందు, ఇస్రో ఛైర్మన్ ఎస్ సోమనాథ్ మాట్లాడుతూ, సూర్యుని అధ్యయనం చేయడానికి భారత్ ప్రయోగించిన మొట్టమొదటి అంతరిక్ష ఆధారిత మిషన్ ఆదిత్య ఎల్ 1 అంతరిక్ష నౌక చివరి దశకు చేరుకుందని, ఎల్ 1 పాయింట్‌లోకి ప్రవేశించే విన్యాసాలు జనవరి 7, 2024 నాటికి పూర్తవుతాయని భావిస్తున్నామన్నారు.

"ఆదిత్య దారిలో ఉంది. దాదాపు చివరి దశకు చేరుకుందని నేను భావిస్తున్నాను" అని ఇస్రో చీఫ్ ఫస్ట్ సౌండింగ్ రాకెట్ లాంచ్ 60వ సంవత్సరాన్ని పురస్కరించుకుని VSSCలో ఏర్పాటు చేసిన కార్యక్రమంలో మీడియాతో అన్నారు.

ఎల్1 పాయింట్‌లోకి స్పేస్‌క్రాఫ్ట్ ప్రవేశానికి చివరి సన్నాహాలు ప్రస్తుతం పెరుగుతున్నాయని ఆయన చెప్పారు. "బహుశా జనవరి 7 నాటికి, L1 పాయింట్‌లోకి ప్రవేశించడానికి తుది విన్యాసాలు జరుగుతాయి" అని సోమనాథ్ తెలిపారు.

ఆదిత్య ఎల్1 సెప్టెంబర్ 2న శ్రీహరికోటలోని సతీష్ ధావన్ స్పేస్ సెంటర్ (ఎస్‌డిఎస్‌సి) నుండి విజయవంతంగా ప్రయోగించబడింది. అంతరిక్ష నౌక, భూమి నుండి 125 రోజుల పాటు సుమారు 1.5 మిలియన్ కిమీ ప్రయాణించిన తర్వాత, సూర్యునికి దగ్గరగా పరిగణించబడే లాగ్రాంజియన్ పాయింట్ L1 చుట్టూ ఒక హాలో కక్ష్యలో ప్రవేశపెట్టబడుతుంది.మిగతా నిర్దేశిత పనులతో పాటు, శాస్త్రీయ ప్రయోగాల కోసం సూర్యుని చిత్రాలను తీసి, పంపుతుంది.