బాలికపై పలుమార్లు యువకుడి అత్యాచారం.. వీడియో తీసి ఫ్రెండ్స్ కు షేర్.. మళ్లీ ఏడుగురు కలిసి గ్యాంగ్ రేప్..
By Asianet News | First Published Sep 29, 2023, 6:50 AM ISTఓ యువకుడు బాలికను బెదిరింపులకు గురి చేస్తూ, పలుమార్లు అత్యాచారానికి పాల్పడ్డాడు. దానిని ఫొటోలు తీసి స్నేహితులకు పంపించాడు. వాటి ఆధారంగా వారు కూడా బాలికను పలుమార్లు రేప్ చేశారు. ఇటీవల ఏడుగురు వ్యక్తులు కలిసి బాధితురాలిని గ్యాంగ్ రేప్ చేశారు.
మహారాష్ట్రలో ఓ ఘోరమైన అత్యాచార ఘటన వెలుగులోకి వచ్చింది. ఓ బాలిక పలుమార్లు ఓ యువకుడి చేతిలో అత్యాచారానికి గురైంది. దానిని వీడియో తీసి ఆ యువకుడు తన స్నేహితులకు పంపించడంతో వారు కూడా పలుమార్లు అత్యాచారానికి ఒడిగట్టారు. అయితే తాజాగా ఆ స్నేహితుల్లో ఏడుగురు ఒకే సారి ఆ బాలికపై అఘాయిత్యానికి ఒడిగట్టారు. ఈ దారుణం నాగ్ పూర్ జిల్లాలో వెలుగులోకి వచ్చింది.
వివరాలు ఇలా ఉన్నాయి. నాగ్ పూర్ జిల్లాలోని ఓ ప్రాంతంలో 15 ఏళ్ల బాలిక తన తల్లి, తండ్రితో కలిసి జీవిస్తోంది. అదే జిల్లాకు చెందిన ధీరజ్ హివార్కర్ అనే యువకుడు కొన్ని నెలల కిందట ఆ బాలిక వెంటపడ్డాడు. తనతో శారీరకంగా సన్నిహితంగా ఉండాలని బెదిరించేవాడు. లేకపోతే తండ్రిని హతమారుస్తానని హెచ్చరించేవాడు. ఈ క్రమంలో ఆమెను లొంగదీసుకున్నాడు. పలుమార్లు ఆమెపై అత్యాచారానికి ఒడిగట్టాడు.
Latest Videos
అయితే ఈ దుశ్చర్యను ఆ యువకుడు బాలిక తెలియకుండా ఫొటోలు తీశాడు. వాటిని చూపిస్తూ కూడా ఆమెపై బెదిరింపులకు పాల్పడి, అనేక సార్లు అత్యాచారానికి ఒడిగట్టాడు. లైంగిక దాడి సమయంలో తీసిన ఫొటోలను ఆ యువకుడు తన ఫ్రెండ్స్ కు పంపించాడు. దీనిని ఆధారంగా చేసుకొని వారు కూడా బాలికపై లైంగిక దాడికి పాల్పడ్డారు. ఆ యువకుడు తమకు పంపించిన ఫొటోలను సోషల్ మీడియాలో పెట్టి వైరల్ చేస్తామని హెచ్చరిస్తూ.. వారు కూడా వేరు వేరుగా రేప్ చేశారు. అయితే తాజాగా ఆ బాలికపై ఏడుగురు యువకులు కలిసి గ్యాంగ్ రేప్ నకు ఒడిగట్టారు.
ఇక ఈ వేధనను భరించలేక బాధితురాలు తన తల్లిదండ్రులకు విషయం చెప్పింది. కొంత కాలంగా తనపై జరుగుతున్న లైంగిక దాడిని వివరించింది. దీంతో బాలిక తల్లి పోలీసులను ఆశ్రయించింది. జరిగిందంతా వారికి వివరించింది. ఈ ఘటనపై పోలీసులు కుసు నమోదు చేసుకున్నారు. విచారణ జరిపి బాలికపై లైంగిక దాడికి పాల్పడిన ఏడుగురిని అదుపులోకి తీసుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి