ఈ నేలన ఓటు కావాలే... ఓటుకు నోటు కావాలే: రాజ్యమా మన్నించమ్మా అంటూ కర్ణాకర్ కవిత

By Arun Kumar P | First Published Aug 14, 2022, 10:14 AM IST

రాజ్యమా... మన్నించమ్మా... ఒక నాడు నీవు మా అస్తిత్వ పతాక నేడు మరో ఝండా రెపరెపలకి ముందస్తు ప్రయోగ నాళిక... అంటూ జమ్మికుంట నుండి ఆర్. కర్ణాకర్ రాసిన కవిత "రాజ్యమా...మన్నించు... !! " ఇక్కడ చదవండి.

రేపటి రోజున నువ్వు
ఏ రోడ్డు పక్కనో
వీధి అంచునో
చెత్త కుప్పలనో
తలకిందులుగానో
శిథిల రూపంగానో
కనిపించవచ్చు...

అలా జరిగిన చోట మమ్మల్ని మన్నించమ్మా
ఈ నేలన... ఓటు కావాలే...
ఓటుకు నోటు కావాలే
చీర కావాలే
సారె కావాలే
ముక్క కావాలే సుక్కా కావాలే
బ్రాండైన బ్రాందీ సారా కావాలే
కులం మతం వర్థిల్లనీకీ
భవనాలు కావాలే
పెద్ద పెద్ద బాసన్లు కావాలే