మడిపల్లి రాజ్ కుమార్ కవిత: చలి పిడుగు
By telugu team | First Published Feb 13, 2020, 2:37 PM ISTతెలుగు సాహిత్యంలో తెలుగు కవిత్వం స్థానం ప్రత్యేకమైంది. మడిపల్లి రాజ్ కుమార్ రాసిన చలిపిడుగు కవితను మీ కోసం అందిస్తున్నాం.
కొమ్మలు
కొమ్మల మీదున్న కొంగలె కాదు
ఆకులు సుత కట్టె తరుచుకు పోతయి
చెట్టు చేమ సమస్తమూ
చలికుంచె గీసిన
నిర్మల పెయింటింగు మాదిరే
Latest Videos
undefined
మంచుసూది
నోర్లు కుట్టేసుంటది
కీసుకీసు పిట్టైన
కిమ్మంటె ఒట్టు
జీవప్రపంచం ఒళ్ళంత
కొరుక్కుతినే చలి
పొగమంచు పంజాపులి
పొద్దు పొద్దున్నే
ఏ కంట్లె చూడు మోతెబిందులే
చూపుల నిండ
తెల్లపొరలు
ఇది కండ్లబీమారి కాదు
కాలం రోగం
ఈ చలి పురుషుని ముందర
ఎంత తీస్ మార్కానైనా
చేతులు కట్టుకోని
గజగజ వణుకుడే
ఏడు దిక్కులు...కిందా మీద
అన్ని కట్టెల మోపుగ ఆ తూరుపుకు
సాగిలబడుతయి
అగ్గి రాజేయ!
మరింత సాహత్యం కోసం క్లిక్ చేయండి: https://telugu.asianetnews.com/literature
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి