అహోబిలం ప్రభాకర్ కవిత: పిడికిలి
By telugu team | First Published Nov 11, 2019, 3:27 PM ISTతెలుగు సాహిత్యం: అహోబిలం ప్రభాకర్ రాసిన పిడికిలి కవితలో చరిత్రను కూల్చిన పిడికిళ్ల శబ్దాలను గురించి మాట్లాడుతున్నారు.
అధికారం పది తలల
యాగి చేస్తుంది
పహానీలు గల్లంతైనంక
ఉసురు అక్షరాలు నింపుతది
కచీర్లు తిరిగి సొట్ట వోయిన చెప్పులు
మందపు తోలు వొలిసే పనిలో వుంటయ్
Latest Videos
undefined
మూడునొక్క కోట్ల గొంతుకలు
వూపిరి పీల్చుకోక ముందే
పాత పాట కొత్తగా
కూయాల్సి వస్తుంది
రాజ్యాలు కోటలు ఘడీల చరిత్ర
ఎప్పుడూ రగిలే కాష్టమే
రాజకీయ జబ్బులను
వారసత్వపు ఆకలిని
చీల్చుకు వచ్చే కాంతి పుంజ్యం
మబ్బుల తెట్టుకోసం
ఎదురు చూస్తుంది
ఆ చిల్లర సంఘాలే
బ్రహ్మ రథాలై నిన్ను మెూసినై
నీ చిల్లరమల్లర చవాకులల్ల
చలిచీమల దారులంత నీకాడికే
కయ్యం బుట్టించినంక
కాటు కోసం ఎదిరి సూత్తవో
కాలికి బుద్దే జెప్తవో
ఆ గెలుసుడు లో మేమూ సిపాయిలమే
వూకదంపుడు తూటుకర్ర పేలుడు
మాటలకు నవ్వకుంటమా
ఓటు గుద్దే కాడ నవ్విపోమా
నీ వొంటెద్దుల మేడ కూలి పోద
ఇవన్ని చరిత్రను కూల్చిన
పిడికిళ్ల కీల్ల శబ్దాలే
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి