పెనుగొండ బసవేశ్వర్ కవిత: ఉదయ విలాసం
By telugu team | First Published Nov 25, 2019, 12:52 PM ISTతెలుగు సాహిత్యంలో కవిత్వం పెద్ద యెత్తున వస్తోంది. ఏషియానెట్ న్యూస్ లో పెనుగొండ బసవేశ్వర్ రాసిన ఉదయ విలాసం అనే కవితను చదవండి.
రాత్రి చీకటంతా గడ్డకట్టి
కనుల కొలకుల్లో ఎప్పుడు
Latest Videos
undefined
ఊసుగా మారిందో మరి
వెలుగును కప్పేసిన రెప్పలకింద
ఆక్వేరియం లో చేప పిల్లల్లా
ఊసులకు ఊకొడుతూ కనుగుడ్లు
తాను వచ్చే సమయమైందని
తన్నుకొస్తున్న నిద్రను తరిమేస్తూ
ఒళ్ళు విరుచుకున్న చేతులు
తాను చేరిన ఆనవాళ్లను
తలుపు సందులోంచి మోసుకొస్తూ
వీధిగుమ్మం నుండి వింత పరిమళం
ఫలానా అని చెప్పలేని సంతోషం
పెదవుల అంచులదాకా పాకి
ఒళ్ళంతా ఒక పులకరింత
తలుపు తీసి చూద్దును కదా రోజులాగే
దొంగ.. పూలకుండి మాటున దాగుంది
మూడంకె వేసి ముడుచుకుపోయి
రమ్మని సైగ చేసానో లేదో
గాలికి రెక్కలాడించే పావురమై
చేతుల్లోకి చేరింది ఇంట్లోకి పదమంటూ
ఆరాం కుర్చీలో కాలుమీద కాలేసుకుని
ముక్కు పైని అద్దాలను ముందుకు లాగి
తన మొహానికి నా కళ్ళను అంటించేస్తాను
ఆవిడ అందించిన గరం చాయ్ లానే
ప్రపంచాన్ని తాజాగా పరిచయం చేస్తూ
ప్రశ్నిస్తూ వివరిస్తూ విభేదిస్తూ విశ్లేషిస్తూ
పరుగులు పెట్టె అక్షరాల పంటనే
నా అనుదినపు అతిధి..నా వార్తాపత్రిక
నను ఓలలాడించే సమాచార గీతిక
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి