సావిత్రి భాయి ఫూలే జయంతి ప్రత్యేకం... డా. సిద్దెంకి యాదగిరి 'దీనజన కల్పవల్లీ' కవిత
By Arun Kumar P | First Published Jan 3, 2022, 4:31 PM ISTహైదరాబాద్: ఇవాళ (సోమవారం,జనవరి 3) భారత తొలి ఉపాధ్యాయిని, సంఘ సంస్కర్త, సావిత్రి భాయి ఫూలే జయంతి సందర్భంగా సిద్దిపేట నుండి డా. సిద్దెంకి యాదగిరి రాసిన కవిత "దీనజన కల్పవల్లీ" ఇక్కడ చదవండి.
దీనజన కల్పవల్లీ
కాలంతో కలెబడడానికి ఆత్మ గౌరవం
పంకిలం అంటని కుమ్మరి పురుగులా
ఉద్యమం ఊపిరి ఉన్నంతవరకూ సాగింది
Latest Videos
undefined
కసిరి బుసకొట్టే కట్టుబాట్లు
ఆచారాల ఆధిపత్యాలు
మూఢనమ్మకాల మురుగులో ఉద్భవించిన తామర
ఆమె జీవితం అజరామరం
చల్లిన పెండ నీళ్లల్లో తడిసిన బోధ
రేపటి పరిమళం కోసం
ఇంధనమైన రేపటి మూలధనం
అవమానాలు భరించినా
నిరక్షరాస్యతకు వెలుగులు తొడిగిన
అక్షర యోధ
ఆదర్శ ఉద్దీపన
మనిషిని పసరంకన్న హీనంగా
అంకుశమై పొడిచే
నిచ్చెన మెట్ల కుల వ్యవస్థలో
నిరాశల ఈసడింపుల నడుమ
ఆశయంగా అంకురించిన ఆశ
ఎదురుపడి నిందలు నిరసిస్తున్నా
ఆచారం కట్ల పామయి కరుస్తున్నా
బాధితుల బలమైన గొంతుక
సంస్కరణ శ్వాస
సమానత్వమే ధ్యాస
బహుజన సమరమైన తల్లి
దీనజన కల్పవల్లీ
సావిత్రి భాయి ఫూలే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి