రాజేందర్ జింబో కవిత: గాయం

తెలుగులో ప్రసిద్ధ కవి జింబో మంగారి రాజేందర్ విశిష్టమైన కవిత్వం అందించారు. ఆయన రాసిన గాయం కవితను ఇక్కడ చదవండి.

గాయాలు చేస్తూ
అమ్మా బాపు వెళ్లిపోయారు

అకాలంగా
అక్కలు అన్నలు వెళ్లిపోయారు
కాలం వాళ్ళని కర్కశంగా కాటేసింది

ప్రతి మరణం ఓ గాయమే !

ఓ ఫోటోనో,ఓ వస్తువో
ఓ ఆటో,ఓ పాటో
ఓ ఉత్తరమో-
వాళ్ళని గుర్తు చేస్తూనే ఉంటాయి
అవి కనిపించని సమయం లేదు

ఓ కవి అన్నట్టు
కాలం గాయాలను మాన్పుతుందేమో
జ్ఞాపకాలని కాదు కదా !!