రహీమొద్దీన్ కవిత : చిరునవ్వు దుప్పటి!
By SumaBala Bukka | First Published Jul 27, 2023, 2:56 PM ISTకన్నీళ్ళ మీద కప్పిన దుప్పటే నవ్వంటే! అంటూ మహబూబాబాద్ నుండి రహీమొద్దీన్ రాసిన కవిత ' చిరునవ్వు దుప్పటి! ' ఇక్కడ చదవండి :
అబద్ధాలు చాపకింద నీరులా
పరుచుకున్న నేల మీద
నిజంలా నిలబడ్డ కాళ్లకు కష్టంగానే ఉన్నది
నిత్యం వేడెక్కి చల్లారే
మోసపూరిత ఉద్వేగాల మధ్య
హృదయం సప్పబడ్డ నాలుకలా మారిపోతున్నది
Latest Videos
undefined
ఒక్కొక్క భ్రమను
ఒలుచుకుంటూ పోతుంటే
గుప్పెడు ఆనందం ఉల్లిపాయలా విడిపోతున్నది
పుట్టక ముందే
ఓటమి కాటేసిన బ్రతుకులో
గెలుపు
విరామం లేని యుద్ధమయిపోయింది
నొప్పి తెలియకుండా
మనల్ని మనం మోసగించుకునే
మత్తు మందు లాంటిది చిరునవ్వు
నిజానికి
కన్నీళ్ళ మీద కప్పిన దుప్పటే నవ్వంటే!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి