అమ్మంగి వేణుగోపాల్ కవిత : వాతావరణ సూచన !
By SumaBala Bukka | First Published Jul 24, 2023, 1:06 PM ISTనీడనిచ్చే పచ్చని చెట్టు గొడుగు అడుగుతున్నదెందుకు ? అంటూ అమ్మంగి వేణుగోపాల్ రాసిన కవిత ' వాతావరణ సూచన ! ' ఇక్కడ చదవండి :
టమాట కోస్తుంటే
కలకంఠి కంట కన్నీరెందుకు ?
హఠాత్తుగా ఆకాశం వైపు
చంద్రయాన్ పరుగెందుకు ?
నీళ్ళలో మునిగిన చేప
బురదను కప్పుకున్నదెందుకు ?
రైతు కన్నీటి ఆవిరితోనే
నింగి మబ్బులు నిండెనెందుకు ?
ఎందుకా ?
వానాకాలం వచ్చినా
సూర్యతాపం తగ్గనందుకు !
పక్షులన్నీ హిమాలయాలకు
పరుగుతీసెనెందుకు ?
పిండారబోసినట్టుండే వెన్నెల
మండుటెండగా మారెనెందుకు ?
నీడనిచ్చే పచ్చని చెట్టు
గొడుగు అడుగుతున్నదెందుకు ?
వాతావరణ సూచన
నవ్వు తెప్పిస్తున్నదెందుకు ?
ఎందుకా ?
ప్రకృతి ధర్మం కూడా
తిరుగుబాటు కోరుతున్నందుకు !
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి