కోట్ల వెంకటేశ్వర రెడ్డి కవిత : ఊసర వెల్లుల ఆత్మ జ్ఞానం!
By SumaBala Bukka | First Published Jul 18, 2023, 1:00 PM ISTదూకాకే తెలుస్తుంది ఆ ఊసరవెల్లికి ఆ గోడే అందర్నీ దూరం చేసిందని! అంటూ కోట్ల వెంకటేశ్వర రెడ్డి రాసిన కవిత ' ఊసర వెల్లుల ఆత్మ జ్ఞానం! ' ఇక్కడ చదవండి :
'పొంగు'ను చూసుకున్న
ఓ నది తొందరపడి
సముద్రంలో దూకింది
ఉనికిని కోల్పోయింది!
రాజకీయమూ
మతం వంటిదే
మారినంతనే
గతం వెంటాడుతది!
Latest Videos
undefined
అది సముద్రం
దాని అలల మురిపెం రెప్పపాటే
తిమింగలాలు తిరిగే చోట
ఆర్తనాదాలెవరికీ వినిపించవు!
ఎలుకలు
ఎన్ని జాగ్రత్తలు తీసుకున్న
చిన్న ఉల్లిగడ్డకు ఆశ పడితే
బోనులో ఇరుక్కోవలసిందే!
గోడ దూకేంత వరకు
అందరు కొట్టేవి చప్పట్లే
దూకాకే తెలుస్తుంది ఆ ఊసరవెల్లికి
ఆ గోడే అందర్నీ దూరం చేసిందని!
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి