కొలిపాక శ్రీనివాస్ తెలుగు కవిత: అమర జవాన్లకు జోహార్లు
By telugu team | First Published Jul 8, 2020, 5:04 PM ISTచైనా దాడిలో గాల్వన్ వ్యాలీలో చైనా సైనికుల దాడిలో మరణించిన భారత అమర జవాన్లకు జోహార్లు అర్పిస్తూ కొలిపాక శ్రీనివాస్ కవిత రాశారు. ఆ కవితను మీ కోసం అందిస్తున్నాం.
ఆకాశమంతా ధైర్యాన్ని
కూడగట్టుకుని
భూదేవంతా సహనాన్ని
తోడుంచుకుని
కోట్లాది భారతప్రజల
ఆశయాలను మోసుకెళ్తూ
చీకటిని నీడలా వెంటపెట్టుకొని
వెలుగు సూర్యుడిని తట్టుకుంటూ
అహర్నిశలు సరిహద్దుల కంచె చుట్టూ కళ్లార్పని వీక్షణతో
కాపలా కాస్తున్న సైనికుల
గుండెల తెగువ అమోఘం.
షడ్రుతువులు ఒక్కటై
నిలిచిన వీరత్వముతో
ఎదురెల్లే సైనికా ధీరుడివి
యావత్ భారతజాతి ఎదలో
ధన్యుడవై వెలుగొందిన జ్యోతివి
భారతావని గగనతలంలో
చిరంజీవుడవై వెలిగే 'ధృవతార'
సైనికుడవు నువ్వు 'బాబు'.
ఆసేతు హిమాచలమంతా
మీకై కన్నీళ్లను వదులుతుంది
Latest Videos
నింగిలో ఉన్న చుక్కలన్నీ
తలలువంచి మౌనంగా
శాంతి నివాళులు అర్పిస్తున్నవి
ప్రకృతిలో చెట్లన్నీ చేతులెత్తి
జోహార్లతో నివాళులిస్తున్నవి
పూసే ప్రతిపూవు రాలుతూ
జవాన్లకు అంతిమయాత్రలో
కన్నీటి వీడ్కోలు పలుకుతున్నవి
ప్రజావాహిని మీకై అశ్రునయనాలతో
చేతులెత్తి జోహార్లతో సెల్యూట్ చేస్తూ
ఘన నివాళులు అర్పిస్తుంది
భారత జాతీయ జెండా రెపరెపలతో
జవాన్ల ఔన్నత్యాన్ని గర్వంగా చాటుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి