ఇరుగు పొరుగు: శంఖా ఘోష్ బెంగాలీ కవిత పేరు

సుప్రసిద్ధ బెంగాలీ కవి శంఖా ఘోష్ కోవిడ్ బారిన పడి 21 ఏప్రిల్ 21 బుధవారం మరణించారు. ఆయన 14 ఏప్రిల్ 21 న కోవిడ్ పాసిటివ్ గా నిర్దారించినప్పటి నుండి తన ఇంట్లో స్వీయ ఐసోలేషన్ లో వున్నారు.

వద్దు, నన్నసలే బలవంతం చేయొద్దు 

మాటలు తెరుచుకోనీ 
ఒక్కటొక్కటిగా పొరలు  పొరలుగా 
సూర్యోదయంలా విచ్చుకోనీ 

కుండపోత ప్రవాహం 
ఓ బండ రాయిని సులభంగా 
జనం నుంచి దూరంగా 
దోర్లించుకు పోయినట్టు 

క్షితిజ రేఖమీద మా పేర్లు 
నిశ్సబ్దంగా 
చాలా బలహీనంగా 
తుడిచివేయబడనీ 

నీటి బిందువులోని నీలిరంగు 
ముక్కలు ముక్కలై 
గడ్డి పైన కురవనీ 

మళ్ళీ నన్నెవరూ ఎప్పుడూ  
ఏ విధంగానూ బలవంతం చేయొద్దు. 

బెంగాలీ మూలం : శంఖా ఘోష్ 
ఇంగ్లిష్: కళ్యాన్ రాయ్ 
స్వేచ్చానువాదం: వారాల ఆనంద్

సుప్రసిద్ధ బెంగాలీ కవి శంఖా ఘోష్ కోవిడ్ బారిన పడి 21 ఏప్రిల్ 21 బుధవారం మరణించారు. ఆయన 14 ఏప్రిల్ 21 న కోవిడ్ పాసిటివ్ గా నిర్దారించినప్పటి నుండి తన ఇంట్లో స్వీయ ఐసోలేషన్ లో వున్నారు. 6 ఫిబ్రవరీ 1932న జన్మించిన శంఖా ఘోష్ అనేక రాజకీయ సామాజిక  సందర్భాల్లో ప్రజల పక్షాన గొంతెత్తి మాట్లాడారు. ఆయనకు 1977లో కేంద్ర సాహిత్య అకాడెమి అవార్డు,2011లో పద్మభూషణ్, 2016లో జ్ఞానపీఠ పురస్కారం లభించాయి.