జాయ్ హర్ జూ కవిత: ఈ ఉదయం శత్రువుకోసం ప్రార్థిస్తాను

ఇరుగు పొరుగు శీర్షిక కింద ప్రముఖ తెలుగు కవి వారాల ఆనంద్ జాయ్ హర్ జూ కవితను తెలుగు చేశారు. దాన్ని మీకు ఇక్కడ అందిస్తున్నాం

అవునూ నేనెవర్ని శత్రువని పిలవాలి 
శత్రువుకు అంత స్థాయి వుండాలి కదా
సూర్యునివైపు తిరిగి 
నేను నడక కొనసాగించాను
ఆగ్రహంతో వున్న మెదడు కాదు 
నా హృదయం ఓ ప్రశ్న వేస్తున్నది
హృదయమేమో సూర్యుడికి చిన్న సోదరుడు 
అది అన్నీ చూస్తుంది 
దానికి అన్నీ తెలుసు
పళ్ళు కొరకటమూ తెలుసు 
దీవించడమూ తెలుసు
మెదడు ద్వారాన్ని హృదయం నుంచే తెరవాలి
అందులోకి ప్రవేశించాలనుకునే శత్రువు 
మిత్రుడిగా మారే ప్రమాదానికి సిద్దపడాలి.

మూలం: జాయ్ హర్ జూ 
తెలుగు: వారాల ఆనంద్

(జాయ్ హర్ జూ ఒక్లామా లో 1951 లో జన్మించారు. 2019 లో అమెరికా ఆస్థాన కవిగా నియమించబడ్డారు.ప్రస్తుతం అకాడమీ ఆఫ్ అమెరికన్ పోయెట్స్ కి చాన్సేల్లర్ గా వున్నారు. అనేక కవితా సంకలనాలు వెలువరించారు.)