ఖచ్చితమైన మనిషితనమే కావాలిప్పుడు..! అంటన్న గోపగాని రవీందర్ కవిత చదవండి.
ఆపదల వలయాల్లో
చిక్కుకున్నవారికి చేయూతనిచ్చే
దయార్ద్ర హృదయాలే మొలకెత్తాలిప్పుడు
ఆందోళనతో కుంగిపోతున్న వారిలో
సమస్యల తెరలు తొలగిపోతాయనే
భరోసాలనిచ్చే ఆచరణలే కావాలిప్పుడు
నిరాశల అంధకారంలో
కొట్టుమిట్టాడుతున్న వారిలో
ఆశయాల ఆశలను రేకెత్తించడానికి
సమరోత్సాహమైన యోధులే కావాలిప్పుడు
ఊకదంపుడు సువచనాలు కాదు
అందరిలో మనోనిబ్బరాన్ని పూయించే
ఖచ్చితమైన మనిషితనమే కావాలిప్పుడు..!