బెంగళూరు, హైదరాబాద్ నగరాలలో ఇంజనీర్లను నియమించుకొనున్నట్లు ఉబెర్ ప్రకటించింది. ప్రపంచవ్యాప్తంగా 10వేలకి పైగా నగరాల్లో రవాణాలో కీలకంగా మారాలని ఉబెర్ లక్ష్యంగా పెట్టుకున్నా మన్నారు.
రైడ్-హెయిలింగ్ దిగ్గజం, క్యాబ్‌ అగ్రిగేటర్ ఉబెర్ బెంగళూరు, హైదరాబాద్ కోసం దాదాపు 250 మంది ఇంజనీర్లను నియమించనున్నట్లు ప్రకటించింది. దేశంలో ఇంజనీరింగ్, ఉత్పత్తి కోసం కార్యకలాపాలను విస్తరించే ప్రయత్నంలో ఎంపికలు చేయాలని భావిస్తున్నట్టు తెలిపింది.
కొత్త టీంలను నిర్మించటానికి ఉబెర్ ఇన్ఫ్రాస్ట్రక్చర్, ఈట్స్, మార్కెట్ ప్లేస్, రిస్క్ అండ్ పేమెంట్స్, ఉబెర్ ఫర్ బిజినెస్ (యు 4 బి), మార్కెటింగ్ అండ్ అడ్వర్టైజింగ్ ప్లాట్‌ఫామ్‌లతో సహా ప్రస్తుత బృందాలతో జోడించడంతో అభ్యర్థులను చేరుకోవడం ప్రారంభించిందని ఉబెర్ తెలిపింది.
"హైదరాబాద్, బెంగళూరులోని మా బృందాలు ప్రపంచ డిమాండ్ పై పనిచేస్తాయి. ప్రపంచవ్యాప్తంగా ఎక్కువ మందికి సేవ చేయడానికి, మేము మా బృందాలను విస్తరిస్తున్నాము. ఇంకా గ్లోబల్ మార్కెట్లలో మొబిలిటీ, డెలివరీ సవాళ్లను సమిష్టిగా పరిష్కరించగలము" అని ఇంజనీరింగ్ సీనియర్ డైరెక్టర్ మణికందన్ తంగరత్నం అన్నారు.
also read
ప్రస్తుత నియామకం సంస్థ రైడర్ అండ్ డ్రైవర్ వృద్ధి, డెలివరీ, ఈట్స్, డిజిటల్ చెల్లింపులు, రిస్క్ అండ్ కంప్లైయెన్స్, మార్కెట్ ప్లేస్, మౌలిక సదుపాయాలు, అడ్టెక్, డేటా, సేఫ్టీ అండ్ ఫైనాన్స్ టెక్నాలజీ బృందాలను బలోపేతం చేస్తుంది. మొబిలిటీ అండ్ డెలివరీ మరింత అందుబాటులోకి తీసుకురావడానికి ప్రపంచవ్యాప్తంగా 10,000కి పైగా నగరాల్లో రవాణాకు కీలకంగా మారాలని ఉబెర్ లక్ష్యంగా పెట్టుకుందని ఆన్నారు.
దేశవ్యాప్తంగా మ్యాప్స్ అప్ డేట్, మాస్క్ డిటెక్షన్ ఫీచర్, సురక్షితమైన రైడ్, డెలివరీలను ప్రారంభించడానికి సాంకేతిక బృందాలు టెక్నాలజి పరిజ్ఞానాన్ని నిర్మించడానికి భారీగా పెట్టుబడులు పెట్టాయి. భౌతిక దూరం సులభతరం చేయడానికి, ఉబెర్ ఇంజనీర్లు అనేక దేశాలలో డిజిటల్ పేమెంట్ వేగవంతం చేస్తున్నాయి.
డ్రైవర్ ఆన్‌బోర్డింగ్ అండ్ డిజిటల్ మెనూలను అప్‌లోడ్ చేయడంతో సహా ఉబెర్ అనేక భాగాలను డిజిటలైజ్ చేయడానికి మెషిన్ లెర్నింగ్ (ఎం‌ఎల్) అండ్ ఆర్టిఫిషియల్ ఇంటెలిజెన్స్ (ఏ‌ఐ) ను ఉపయోగిస్తున్నాయి.
యుబర్ కంపెనీ రూ .3.65 కోట్ల ఉచిత రైడ్స్ ప్యాకేజీని ప్రకటించింది, ఇందులో కోవిడ్-19 సెకండ్ వేవ్ నుండి భారతదేశ ఆరోగ్య సంరక్షణ వ్యవస్థను బలోపేతం చేయడానికి ప్రాణాలను రక్షించే ఆక్సిజన్ సిలిండర్లు, వెంటిలేటర్లు, ఇతర క్లిష్టమైన వైద్య పరికరాల రవాణాను సులభతరం చేస్తుంది.