బీఈడీ పూర్తయ్యిందా, కేంద్ర ప్రభుత్వ స్కూల్‌లో టీచర్స్ పోస్టుల కోసం నోటిఫికేషన్..జీతం నెలకు రూ. 1.50 లక్షలు
By Krishna Adithya | First Published Aug 12, 2022, 2:01 PM ISTఇండియన్ స్పేస్ రీసెర్చ్ ఆర్గనైజేషన్ (ఇస్రో), సతీష్ ధావన్ స్పేస్ సెంటర్, శ్రీహరికోట వారి ఆధ్వర్యంలో నడిచే కేంద్రప్రభుత్వ పాఠశాలలలో వివిధ ఉపాధ్యాయుల పోస్టుల భర్తీకి దరఖాస్తులను ఆహ్వానిస్తున్నది.
ఇండియన్ స్పేస్ రీసెర్చ్ ఆర్గనైజేషన్ (ఇస్రో), సతీష్ ధావన్ స్పేస్ సెంటర్, శ్రీహరికోట వారి స్కూల్ లో వివిధ ఉపాధ్యాయుల పోస్టుల భర్తీకి దరఖాస్తులను ఆహ్వానిస్తున్నది. ISRO టీచర్ రిక్రూట్‌మెంట్ 2022 కోసం అభ్యర్థులు అధికారిక వెబ్‌సైట్ sdsc.shar.gov.inని సందర్శించడం ద్వారా ఆన్‌లైన్‌లో దరఖాస్తు చేసుకోవచ్చు. ఈ పోస్టులకు దరఖాస్తు ప్రక్రియ 6 ఆగస్టు 2022 నుండి ప్రారంభమైంది, ఇది 28 ఆగస్టు 2022 వరకు కొనసాగుతుంది.
ఖాళీలు ఇలా ఉన్నాయి
నోటిఫికేషన్ ప్రకారం, ఈ ప్రక్రియ ద్వారా 5 ప్రైమరీ టీచర్ పోస్టులు, 9 ట్రైన్డ్ గ్రాడ్యుయేట్ టీచర్ పోస్టులు, 5 పోస్ట్ గ్రాడ్యుయేట్ టీచర్ పోస్టులను భర్తీ చేస్తారు.
Latest Videos
undefined
జీతం ఎంతంటే..
PGT పోస్ట్‌లలో ఎంపికైన అభ్యర్థులకు నెలకు రూ. 47,600 నుండి రూ. 1,51,100 వరకు జీతం ఇవ్వబడుతుంది. కాగా, టీజీటీ పోస్టులకు రూ.44,900 నుంచి రూ.1,42,400, ప్రైమరీ టీచర్లకు నెలకు రూ.35400 నుంచి రూ.1,12,400 వేతనం ఉంటుంది.
వయోపరిమితి ఎంత ఉంటుందో తెలుసుకోండి
ఇస్రోలో PGT పోస్టులకు రిక్రూట్‌మెంట్ కోసం అభ్యర్థుల వయస్సు 18 సంవత్సరాల నుండి 40 సంవత్సరాల మధ్య ఉండాలి. టీజీటీ పోస్టులకు గరిష్ట వయస్సు 35 ఏళ్లు, ప్రాథమిక ఉపాధ్యాయ పోస్టులకు 30 ఏళ్లుగా నిర్ణయించారు. అదే సమయంలో, ప్రభుత్వ నిబంధనల ప్రకారం, రిజర్వేషన్ కేటగిరీ అభ్యర్థులకు వయో సడలింపు ఇవ్వబడుతుంది.
ఇలా దరఖాస్తు చేసుకోండి
ఇస్రోలో ఈ టీచర్ పోస్టులకు రిక్రూట్‌మెంట్ కోసం ఎంపిక వ్రాత పరీక్ష మరియు స్కిల్ టెస్ట్ ఆధారంగా జరుగుతుంది. ISRO SDSC రిక్రూట్‌మెంట్ 2022 కోసం అభ్యర్థులు అధికారిక వెబ్‌సైట్ sdsc.shar.gov.inని 28 ఆగస్టు 2022లో లేదా అంతకు ముందు సందర్శించడం ద్వారా ఆన్‌లైన్‌లో దరఖాస్తు చేసుకోవచ్చు.
కేంద్రంలోని మోదీ ప్రభుత్వం యువతకు ఉపాధి కల్పనే లక్ష్యంగా, కేంద్ర ప్రభుత్వ సంస్థల్లో భర్తీలను వేగవంతం చేస్తోంది. ముఖ్యంగా కేందప్రభుత్వ సంస్థలు అయిన ఓఎన్జీసీ, గెయిల్, బీహెచ్ఈఎల్, మిధాని వంటి అనేక ప్రభుత్వ రంగ సంస్థల్లో పలు ఉద్యోగాల భర్తీకి కేబినేట్ ఆమోదం తెలపనుంది. అంతేకాదు వివిధ స్థాయిలలో ప్రభుత్వ నియామకాలు చేసేందుకు స్టాఫ్ సెలక్షన్ కమీషన్ కూడా సమాయత్తం అవుతోంది. కేంద్ర ప్రభుత్వ ఉద్యోగంలోకి రావాలనుకునే ప్రతి గ్రాడ్యుయేట్ ఎప్పటికప్పుడు కేంద్రం విడుదల చేసే నోటిఫికేషన్స్ గురించి తెలుసుకోవాలి. తద్వారా కేంద్ర ప్రభుత్వంలోని పలు శాఖల్లో ఉద్యోగాలను పొందే వీలు కలుగుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి