Video : బలూచిస్తాన్‌లో బాంబు పేలుడు .. 52 మంది దుర్మరణం, చెల్లాచెదురుగా శరీర భాగాలు , భయానక వీడియో వైరల్
By Siva Kodati | First Published Sep 29, 2023, 7:14 PM ISTపాకిస్తాన్‌లోని బలూచిస్తాన్ ప్రావిన్స్‌లో జరిగిన బాంబు పేలుడు ఘటనలో 52 మంది ప్రాణాలు కోల్పోగా, మరో 50 మంది తీవ్రంగా గాయపడిన ఘటన కలకలం రేపింది. సోషల్ మీడియాలో కనిపించిన పేలుడు ఘటనలోని వీడియోలు, ఫోటోల్లో రక్తసిక్తమైన అనేక శవాలు, తెగిపోయిన అవయవాలు అక్కడక్కడా పడిఉండడం కనిపిస్తుంది.
పాకిస్తాన్‌లోని బలూచిస్తాన్ ప్రావిన్స్‌లో జరిగిన బాంబు పేలుడు ఘటనలో 52 మంది ప్రాణాలు కోల్పోగా, మరో 50 మంది తీవ్రంగా గాయపడిన ఘటన కలకలం రేపింది. మిలాద్ ఉన్ నబీని పురస్కరించుకుని మస్తుంగ్ జిల్లాలోని ఓ మసీదు వద్ద భారీ ర్యాలీ నిర్వహించారు. ఇందులో పెద్ద ఎత్తున స్థానికులు పాల్గొన్నారు. ఆ ప్రాంతమంతా కోలాహలంగా వున్న సమయంలో ఒక్కసారిగా పేలుడు సంభవించింది. దీనికి సంబంధించి వీడియోను నిఖిల్ చౌదరి అనే నెటిజన్ షేర్ చేశాడు. వీడియోలో ఒక్కసారిగా పేలుడు సంభవించగా.. అక్కడికి దగ్గరలో వున్న వారు ఎగిరి దూరంగా పడ్డారు.
Live video of suicide bomb attack in town in Balochistan and Khyber Pakhtunkhwa, Pakistan, in which at least 55 people were killed and more than 50 injured. pic.twitter.com/pkHuk3UWID
— Nikhil Choudhary (@NikhilCh_)
Latest Videos
undefined
మస్తుంగ్ డిప్యూటీ సూపరింటెండెంట్ ఆఫ్ పోలీస్ (డీఎస్పీ) నవాజ్ గిష్కోరి కారు సమీపంలో ఈ పేలుడు సంభవించింది. మృతుల్లో నవాజ్ గిష్కోరీ కూడా ఉన్నారు. సిటీ స్టేషన్ హౌస్ ఆఫీసర్ (SHO) మహ్మద్ జావేద్ లెహ్రీ మాట్లాడుతూ, ఇది ఆత్మాహుతి బాంబు పేలుడు అని మరియు డీఎస్ పీ గిష్కోరి కారు పక్కనే బాంబర్ తనను తాను పేల్చుకున్నాడు. సోషల్ మీడియాలో కనిపించిన పేలుడు ఘటనలోని వీడియోలు, ఫోటోల్లో రక్తసిక్తమైన అనేక శవాలు, తెగిపోయిన అవయవాలు అక్కడక్కడా పడిఉండడం కనిపిస్తుంది. రెస్క్యూ బృందాలను మస్తుంగ్‌కు పంపించామని, తీవ్రంగా గాయపడిన వారిని క్వెట్టాకు తరలిస్తున్నామని అధికారులు తెలిపారు. ఈ ప్రాంతంలోని అన్ని ఆసుపత్రుల్లో అత్యవసర పరిస్థితిని విధించినట్లు బలూచిస్థాన్ తాత్కాలిక సమాచార మంత్రి జన్ అచక్జాయ్ తెలిపారు.
గత 15 రోజులుగా మస్తుంగ్‌ను భయభ్రాంతులకు గురిచేసిన రెండో అతిపెద్ద పేలుడు ఇది. ఈ నెల ప్రారంభంలో, బలూచిస్తాన్‌లోని మస్తుంగ్ జిల్లాలో జరిగిన పేలుడులో జమియాత్ ఉలేమా-ఇ-ఇస్లాం-ఫజల్ (JUI-F) నాయకుడు హఫీజ్ హమ్దుల్లాతో సహా 11 మంది గాయపడ్డారు. టెలివిజన్‌లో ప్రసారమైన మొబైల్ ఫోన్ ఫుటేజీ రక్తసిక్తమైన హమ్దుల్లా మాట్లాడుతుండగా, ఇద్దరు ముష్కరులు మద్దతు ఇస్తున్నట్లు కనిపించింది.ఈ ఘటనలో 11 మంది గాయపడ్డారని మస్తుంగ్ అసిస్టెంట్ కమిషనర్ అట్టౌల్ మునీమ్ డాన్‌కి తెలిపారు.
అంతకుముందు, పాకిస్తాన్‌లోని పెషావర్‌లో జరిగిన పేలుడులో ఫ్రాంటియర్ కాన్‌స్టాబులరీ (ఎఫ్‌సి) అధికారి మరణించారు. ఇద్దరు పౌరులతో సహా మరో ఎనిమిది మంది గాయపడ్డారు. వార్సాక్ రోడ్‌లోని ప్రైమ్ హాస్పిటల్ కాంప్లెక్స్ సమీపంలో పేలుడు సంభవించింది, ఖైబర్ పఖ్తున్‌ఖ్వా ఎఫ్‌సికి చెందిన మహ్మద్ రైఫిల్స్ రెజిమెంట్‌కు చెందిన వాహనం ఉదయం 10:30 గంటలకు (స్థానిక కాలమానం ప్రకారం) దాడిలో లక్ష్యంగా పెట్టుకున్నట్లు వార్సాక్ సూపరింటెండెంట్ ఆఫ్ పోలీస్ (ఎస్‌పి) మహ్మద్ అర్షద్ ఖాన్ ధృవీకరించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి