North Korea: కరోనా‎‎తో గజగజ వణుకుతున్న నార్త్ కొరియా.. కషాయాలు, టీలు తాగండి అంటూ సలహా

North Korea:  ఉత్తర కొరియాలో కరోనా విజృంభిస్తోంది. అయితే.,. కరోనా నుంచి  బయటపడేందుకు వ్యాక్సినేష‌న్ బదులు..కషాయాలు తాగండి అంటూ ఉచిత సలహాలు ఇస్తోంది ఉత్తర కొరియా ప్రభుత్వం. వైరస్‌ రాకుండా రోగనిరోధక శక్తిని పెంచుకునేందుకు కషాయాలు తాగండి. తేనెతో టీ సేవించండి’’ అంటూ ఉత్తర కొరియా అధికార మీడియాలో ప్రకటనలు చేస్తున్నారు.  

North Korea: ఉత్తర కొరియాలో కరోనా వైరస్ విధ్వంసం సృష్టించింది.  క‌రోనా కేసులు అధిక సంఖ్యలో నమోదు కావడంతో అక్కడి ప్రజలు భయాందోళన చెందుతున్నారు. గ‌తంలో కరోనా వైరస్‌ వస్తే పౌరుల్ని చంపేందుకు ఆలోచించ‌ని ఆ దేశ అధ్యక్షుడు కిమ్ జోంగ్‌, ప్రస్తుతం కరోనా నివారణ చర్యలు చేపట్టాడు. కోవిడ్ కేసులు పెరుగుతుండటంతో వైద్యాధికారులను అప్రమత్తం చేసి, కరోనా వ్యాప్తి చెందిన ప్రదేశాల్లో టెస్టులు చేయిస్తున్నారు. 

మరోవైపు.. అటువంటి పరిస్థితిలో టీకాలు, యాంటీవైరల్ మందులకు బదులుగా.. టీ, ఉప్పునీరు కషాయాలు తాగండి అంటూ ఉచిత సలహాలు ఇస్తుంది అక్క‌డి ప్రభుత్వం, ‘‘వైరస్‌ రాకుండా రోగనిరోధక శక్తిని పెంచుకునేందుకు కషాయాలు తాగండి. తేనెతో టీ సేవించండి. ఉప్పు నీటితో పుక్కిలించండి ’’ అంటూ ఉత్తర కొరియా అధికార మీడియాలో ప్రకటనలు చేస్తున్నారు. కోవిడ్‌ను ఎలా ఎదుర్కోవాలో చిట్కాలు చెబుతూ టీవీ, రేడియో, వార్తా ప్రతికల్లో భారీగా ప్రచారం చేస్తున్నారు. కానీ, అలా చేయ‌డం వ‌ల్ల క‌రోనా త‌గ్గ‌డం అసాధ్యం.  ఇప్పటివరకు ఆ దేశంలో 20 లక్షల మందికి పైగా వ్యాధి బారిన పడ్డారు.

ఇక్కడ గమనించదగ్గ విషయం ఏమిటంటే.. కోవిడ్ తో బాధపడుతున్న వారి సంఖ్యను ఉత్తర కొరియా ఎలా లెక్కిస్తోందో ఇంకా స్పష్టంగా తెలియలేదు. హనీసకేల్ టీతో కోవిడ్‌ను నివారించవ‌చ్చ‌ని, సాంప్రదాయ నివారణలను ఆశ్రయించాలని దేశ రాష్ట్ర మీడియా ప్రజలను చెప్పుతోంది.  కోవిడ్‌ను ఉత్తర కొరియా కేవలం 'జ్వరం'గా అభివర్ణించింది. ఉత్తర కొరియా క‌రోనా వైరస్ ఉనికి గురించి ప్ర‌పంచ దేశాల‌కు గత వారం తెలియజేసింది. అటువంటి పరిస్థితిలో.. దేశంలో వైద్య వనరుల కొరత ఉన్నందున.. ప్రజలకు టీకాలు వేయనందున ఉత్తర కొరియా గురించి ఆందోళన చెందుతోంది.  

దక్షిణ కొరియా, అమెరికాల‌ సహాయం 

ఉత్తర కొరియా లో జ్వరం లక్షణాలతో 2,63,370 మంది బాధ‌ప‌డుతున్న‌ట్టు నివేదించింది. ఇది కాకుండా, మరో ఇద్దరు వ్యక్తులు మరణించినట్లు కూడా నివేదించింది. ఈ విధంగా.. ఏప్రిల్ చివరి నుండి గురువారం వరకు.. ఉత్తర కొరియాలో మొత్తం జ్వరపీడితుల సంఖ్య 22.4 లక్షలకు పెరిగిందని,  వైర‌స్ ప్రారంభం నుంచి.. ప్రారంభమైనప్పటి నుండి 65 మంది మరణించారని, దేశ వ్యాప్తంగా 7,40,160 మందికిపైగా క్వారంటైన్‌లో చికిత్స పొందుతున్నారని అక్కడి స్థానిక వార్తా సంస్థ KCNA  తెలిపింది.

ఈ క్ర‌మంలో దక్షిణ కొరియా, అమెరికా దేశాలు  ఉత్తర కొరియాకు సహాయం చేశాయి. అయితే ఈ రెండు దేశాలపై ఉత్తర కొరియా స్పందించలేదు. ప్రపంచ ఆరోగ్య సంస్థ (WHO) కూడా ఉత్తర కొరియాకు వ్యాక్సిన్  సహాయం చేయడం గురించి మాట్లాడింది.

కానీ, సాంప్రదాయ పద్ధతిలో జ్వరాలను నయం చేయాలని ప్రజలను కోరారు. ప్రభుత్వ టీవీ ఛానెల్‌లో ఉదయం మరియు సాయంత్రం ఉప్పునీటితో పుక్కిలించమని సలహా ఇచ్చారు. ప్రభుత్వ మీడియా వర్గాలు కూడా ఉప్పునీటితో పుక్కిలించాలని ప్రజలకు సూచించాయి. సాంప్రదాయ పద్ధతిలో జ్వరాన్ని నయం చేయాలని ప్రజలను కోరుతున్నారు.

BBC నివేదిక ప్రకారం.. కొన్ని అధ్యయనాలు ఉప్పు నీటితో పుక్కిలించడం, ముక్కును కడుక్కోవడం సాధారణ జలుబుకు కారణమయ్యే వైరస్‌ను ఎదుర్కోవచ్చని సూచిస్తున్నాయి. శరీరంలోని అనేక భాగాల నుండి కరోనా వైరస్ మానవులలోకి ప్రవేశిస్తుంది కాబట్టి, ఇది కోవిడ్ వ్యాప్తిని నెమ్మదిస్తుందనడానికి చాలా తక్కువ ఆధారాలు ఉన్నాయి.