israel - hamas war :గాజా పార్లమెంట్ బిల్డింగ్ ను నేలమట్టం చేసిన ఇజ్రాయెల్ దళాలు.. వీడియో విడుదల..
By Asianet News | First Published Nov 16, 2023, 2:15 PM ISTఇజ్రాయెల్ - హమాస్ దళాలకు మధ్య యుద్దం కొనసాగుతోంది. దీంతో ఇరువైపులా తీవ్ర ప్రాణ, ఆస్తి నష్టం జరుగుతోంది. తాజాగా గాజాలో ఉన్న పార్లమెంట్ భవనాన్ని ఇజ్రాయెల్ సైన్యం పేల్చివేసింది.
గాజాలోని పార్లమెంట్ భవనాన్ని ఇజ్రాయిల్ దళాలు నేలమట్టం చేశాయి. ఆ భవనాన్ని రెండు రోజుల కిందట ఇజ్రాయిల్ డిఫెన్స్ ఫోర్స్ (ఐడీఎఫ్) సైనికులు స్వాధీనం చేసుకున్నారు. అయితే తాజాగా దానిని బాంబులతో పేల్చివేశాయి. దీనికి సంబంధించిన వీడియో ఒకటి సోషల్ మీడియాలో విడులైంది. అది ఇప్పుడు వైరల్ గా మారింది.
WATCH: IDF destroys Hamas parliament building in Gaza
📹Fair use under Clause 27A of Israeli copyright law pic.twitter.com/tQtgPPdJ52
సోమవారం గోలానీ బ్రిగేడ్ సభ్యులు ఈ స్థలాన్ని తమ ఆధీనంలోకి తీసుకున్న తర్వాత భవనం విధ్వంసం జరిగిందని ఇజ్రాయెల్ కు చెందిన వైనెట్ తెలిపింది. అక్టోబర్ 7 దాడులకు ప్రతిస్పందనగా ఇజ్రాయెల్ హమాస్ తో పోరాడుతున్న గాజా సిటీలోని భవనం లోపల బ్రిగేడ్ లోని సైనికులు ఇజ్రాయెల్ జెండాలను ఎగురవేస్తున్నట్లు సోమవారం ఆన్ లైన్ లో ఓ వీడియో షేర్ అయ్యింది. కాగా..ఇజ్రాయెల్ కు చెందిన ఐ24ఎన్ ఇంగ్లీష్ ఎక్స్ ఖాతాలో పార్లమెంటు భవనం ధ్వంసమైన వీడియోను షేర్ చేసింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి