Singapore: అలా చేశాడని.. సింగపూర్ లో భారతీయ సంతతి యువకుడికి భారీ జరిమానా.. ఏం జరిగిందంటే..?
సారాంశం
Singapore: సింగపూర్లో కోవిడ్-19 నిబంధనలను ఉల్లంఘించాడని భారతీయ సంతతి యువకుడికి భారీ జరిమానా విధించారు. కరోనా నిబంధనలను ఉల్లంఘించి.. నూతన సంవత్సర వేడుకల్లో పాల్గొన్నడని భారత సంతితికి చెందిన కోట్రా వెంకట సాయి రోహన్కృష్ణ అనే యువకుడికి 4,000 సింగపూర్ డాలర్ల జరిమానా విధించబడింది సింగపూర్ కోర్టు.
Singapore: సింగపూర్లోని 19 ఏళ్ల భారతీయ సంతతి చెందిన యువకుడికి అక్కడి ప్రభుత్వం భారీ మొత్తంలో జరిమానా విధించింది. ఆ యువకుడికి దాదాపు 4,000 సింగపూర్ డాలర్ల జరిమానా విధించబడింది సింగపూర్ కోర్టు. అసలేం జరిగింది..? అంత మొత్తంలో ఎందుకు జరిమానా విధించారని ఆలోచిస్తున్నారా..? అయితే.. ఈ కథనం చదవాల్సిందే..
సింగపూర్ స్థానిక మీడియా అందించిన సమాచారం ప్రకారం.. గత ఏడాది భారత సంతతి చెందిన కోట్రా వెంకట సాయి రోహన్కృష్ణ, అతని ముగ్గురు స్నేహితులతో కలిసి నూతన సంవత్సర వేడుకల్లో పాల్గోన్నారు. అయితే.. సింగపూర్ లో ఈ సమయంలో కరోనా నిబంధనలకు కఠినంగా అమలు చేస్తుంది. అయినా.. వెంకట సాయి కరోనా నిబంధనలను లెక్క చేయకుండా... అతిక్రమిస్తూ.. ఆ పార్టీకి స్పైడర్మ్యాన్ దుస్తులలో వెళ్లాడు. ఈ సమయంలో అనేకమార్లు COVID-19 నిబంధనలు ఉల్లంఘించారు
ఇదిలా ఉంటే.. అతను, అతని ముగ్గురు స్నేహితులు కలిసి ఓ యూట్యూబ్ ఛానెల్లో నడుపుతున్నారు. ఈ వేడుకు సంబంధించిన వీడియోను కొన్ని రోజుల తర్వాత ఆ ఛానెల్ లో అప్లోడ్ చేశారు. దీంతో ఈ విషయం బయటపడింది. ఆ వీడియో 4నిమిషాలు 22సెకన్ల నిడివి ఉంది.
ఆ వీడియోను పరిశీలిస్తే.. .కోట్రా వెంకట సాయి.. కావాలనే.. కొవిడ్ నిబంధనలను ఉల్లంఘించినట్టు తెలుస్తోంది. కనీసం అతను ఫేస్ మాస్క్ పెట్టుకోకుండానే.. పార్టీలో తిరగటం ఆ వీడియోలో స్పష్టంగా కనిపిస్తోంది. ఈ వీడియాను తన యూట్యూబ్ ఛానెల్లో పెట్టడంపై కూడా.. నెటిజన్లు ఫైర్ అవుతున్నారు. వెంకట సాయి.. గుంపులో కలిసి ఉండగా.. ఆ దృశ్యాలను అతని స్నేహితులు చిత్రీకరించారు.
సింగపూర్ నిబంధనల ప్రకారం.. COVID-19 నిబంధనలను ఉల్లంఘించి.. ఎవరైనా దోషిగా తేలితే వారికి 10,000 సింగపూర్ డాలర్ల వరకు జరిమానా, ఆరు నెలల వరకు జైలు శిక్ష లేదా ఒక్కో సారి ఆ రెండు కూడా విధించబడతాయి. ఈ వ్యవహారంపై విచారణ చేపట్టిన కోర్టు.. వెంకట సాయిని దోషి తేల్చింది. 4వేల సింగపూర్ డాలర్ల జరిమానా విధించింది.