కుప్పకూలిన హెలికాప్టర్: ఐదుగురు దుర్మరణం

అమెరికాలోని అలస్కాలో ఓ హెలికాప్టర్ గ్లేషియర్ ను ఢీకొట్టి కుప్పకూలింది. ఈ ప్రమాదంలో ఐదురుగు దుర్మరణం పాలయ్యారు. ఈ నేపథ్యంలో విమాన రాకపోకలపై ఆంక్షలు విధించారు.

అలస్కా: అమెరికాలోని అలస్కాలో హెలికాప్టర్ కుప్ప కూలింది. యాంకరేజ్ నగరానికి సమీపంలో గల క్నిక్ గ్లేషియర్ ను హెలికాప్టర్ ఢీకొట్టింది. ఈ ప్రమాదంలో ఐదుగురు అక్కడికక్కడే మరణించారు. ఈ విషయాన్ని అలస్కా స్టేట్ ట్రూపర్స్ ప్రతినిధి ఆస్టిన్ డేనియల్ ఆదివారం ఓ ప్రకటనలో తెలిపారు. 

యాంకరేజ్ సమీపంలో గల క్నిక్ గ్లేషియర్ వద్ద హెలికాప్టర్ ప్రమాదానికి గురైంది. ఈ ప్రమాదం జరిగిన స్థలంలో తనిఖీలు నిర్వహిచారు. పైలట్ సహా ఐదుగురు ఈ ప్రమాదంలో మరమించినట్లు గుర్తించామని డేనియల్ తెలిపారు. ఓ వ్యక్తి తీవ్ర గాయాలతో పడి ఉన్నాడని, ఆస్పత్రికి తరలించి అతనికి చికిత్స అందిస్తున్నామని చెప్పారు. 

అలస్కా ఆర్మీ నేషనల్ గార్డ్స్, మౌంటెయిన్ రెస్క్యూ బృందాల సహకారంతో సహాయ చర్యలు కొనసాగుతున్నాయి. ఈ ఘటనతో ఆ ప్రాంతంలో విమాన రాకపోకలపై ఫెడరల్ ఏవియేషన్ తాత్కాలికంగా ఆంక్షలు విధించింది. జాతీయ రవాణా భద్రతా మండలి అధికారులు ప్రమాదానికి గల కారణాలపై దర్యాప్తు చేస్తున్నారు.