బ్రెజిల్లో ముగ్గురు పేషంట్లకు 70 రోజులకు పైగా కరోనా పాజిటివ్.. కొత్త లక్షణం వెలుగులోకి...

వారికి నిరంతరాయంగా 70 రోజుల పాటు వైరస్ పాజిటివ్ రిపోర్ట్ వస్తూనే ఉందని అధ్యయన నివేదికలో తేలింది. కరోనా సోకిన కొందరు వ్యక్తుల్లో వైరస్ ఎక్కువ రోజుల పాటు యాక్టివ్ గా ఉంటుందని సైంటిస్టులు తేల్చేశారు. ఇలాంటి కరోనా కేసులు సాధారణ కేసులుగా పరిగణించలేమని అంటున్నారు. ఈ కరోనా కేసులు విలక్షణమైనవిగా సైంటిస్టులు చెబుతున్నారు.  

బ్రెజిల్ : ప్రపంచవ్యాప్తంగా కరోనా వైరస్ కలకలం తగ్గడం లేదు. పలు దేశాల్లో కరోనా మహమ్మారి విజృంభిస్తూనే ఉంది. కరోనా కొత్త వేరియంట్లలో అనేక రూపాల్లో మ్యుటేషన్ అవుతోంది. కరోనా ప్రారంభంలోని పరిస్థితులకు భిన్నంగా కరోనా వైరస్ విలక్షణమైన కేసులు నమోదవుతున్నాయి. కరోనా ఎప్పుడు, ఎలా మ్యుటేషన్ అవుతుందో సైంటిస్టులు కూడా అంతుపట్టడం లేదు.

ప్రస్తుతం Brazil దేశంలో corona virus cases విలక్షణంగా నమోదవుతున్నాయి. సాధారణంగా కరోనా వైరస్ ఇంక్యుబేటర్ పీరియడ్ 14 రోజులు ఉంటుంది. అయితే ఇప్పుడు అందుకు భిన్నంగా కరోనావైరస్ ఎక్కువ రోజులపాటు యాక్టివ్ గా ఉంటుందని సైంటిస్టులు గుర్తించారు.  బ్రెజిల్ కు చెందిన ఓ ముగ్గురిలో ఈ తరహా విలక్షణమైన కేసులు నమోదైనట్టు కనుగొన్నారు. ఆ ముగ్గురికి నిత్యం కరోనా పరీక్షలు చేస్తూనే ఉన్నారు. 

వారికి నిరంతరాయంగా 70 రోజుల పాటు వైరస్ పాజిటివ్ రిపోర్ట్ వస్తూనే ఉందని అధ్యయన నివేదికలో తేలింది. కరోనా సోకిన కొందరు వ్యక్తుల్లో వైరస్ ఎక్కువ రోజుల పాటు యాక్టివ్ గా ఉంటుందని సైంటిస్టులు తేల్చేశారు. ఇలాంటి కరోనా కేసులు సాధారణ కేసులుగా పరిగణించలేమని అంటున్నారు. ఈ కరోనా కేసులు విలక్షణమైనవిగా సైంటిస్టులు చెబుతున్నారు.

38బ్రెజిల్ కరోనా బాధితులపై అధ్యయనం...
సాధారణ కరోనా వైరస్ 14 రోజుల పాటు మాత్రమే యాక్టివ్ గా ఉంటుంది అంటున్నారు. ఫ్రాంటియర్స్ ఇన్ మెడిసిన్ జర్నల్ లో ప్రచురించిన ఈ కొత్త స్టడీ రిపోర్టును పరిశీలిస్తే.. కరోనా వైరస్ ఎంతకాలం యాక్టివ్గా ఉంటుందో అన్న ప్రశ్న తలెత్తుతోంది. ఈ అధ్యయనంలో భాగంగా 38 మంది బ్రెజిలియన్ కరోనా బాధితులపై పరిశోధకులు అధ్యయనం చేశారు. వారికి కరోనా నెగటివ్ వచ్చేంత వరకు ఆగకుండా టెస్టులు చేస్తూనే వచ్చారు.

ఆ బాధితుల్లో ఇద్దరు పురుషులు ఉండగా.. ఒక మహిళ ఉన్నారు. వీరికి 70 రోజులకు పైగా కరోనా పాజిటివ్ గా రిపోర్ట్ వచ్చింది. ఈ మూడు విలక్షణమైన కేసులుగా పరిశోధకులు చెబుతున్నారు. ఆ మహిళలో 71రోజులు కరోనా పాజిటివ్ వస్తే..  ఇద్దరు పురుషులలో ఒకరిలో  81 రోజుల పాటు వైరస్ యాక్టివ్ గా ఉందని గుర్తించారు. ఈ ముగ్గురికి కరోనా లక్షణాలు స్వల్పంగానే ఉన్నాయట. ఎవరికి ఇతర అనారోగ్య సమస్యలు  (కొమొర్జిడిటీలు) కూడా లేవు అధ్యయనంలో పరిశోధకులు వెల్లడించారు.

14 రోజుల వ్యవధి  కాదు..నెల వరకు ఉండొచ్చు..
ఈ అధ్యయనం  ఆధారంగా, SARS-CoV-2  సోకినవారిలో 8 శాతం మంది వ్యక్తులు రెండు నెలలకు పైగా వైరస్ వ్యాప్తి చేయగలరని అధ్యయన పరిశోధకులు అభిప్రాయపడుతున్నారు. ఇన్ఫెక్షన్ చివరిదశలో ఎలాంటి లక్షణాలు కనిపించకుండానే ఇతరులకు వ్యాపించే అవకాశం ఉందని మారియల్టన్ డాస్ పాసోస్ కున్హా అన్నారు. క్వారంటైన్ పీరియడ్ గా 14 రోజుల వ్యవధి సరిపోతుందో లేదో అంచనా వేయడం అధ్యయనం ప్రధాన లక్ష్యంగా ఆయన పేర్కొన్నారు. ఈ విలక్షణమైన కేసులు  తక్కువగా ఉన్నప్పటికీ… బాధిత వ్యక్తి ఇన్ఫెక్షన్ వ్యాప్తి చేయలేరని నిర్ధారించుకోవడానికి 14 రోజులు సరిపోదు అని చెప్పారు. ఒక పేషంట్ నెగటివ్గా పరీక్షించడానికి ఒక నెల సమయం పట్టవచ్చని చెబుతున్నారు.

అధ్యయనంలో ఎంపిక చేసిన బాధితుల్లో  71 రోజుల నుంచి 232 రోజుల వరకు కరోనా పాజిటివ్ గా రిపోర్టు వచ్చిందని పరిశోధకులు తెలిపారు.  అధ్యయనంలో పాల్గొన్న రోగులకు నెగిటివ్ రిపోర్ట్  వచ్చేంతవరకు పరీక్షలు చేసినట్లు వెల్లడించారు. పైగా కరోనా బాధితులు ముగ్గురిలో ఒక పురుషుడికి 232 రోజుల పాటు కరోనా వైరస్ పాజిటివ్ గా వచ్చింది అని గుర్తించారు. ఎందుకంటే అతడికి హెచ్ఐవి ఉందని, అప్పటికే అతడు HIV చికిత్స పొందుతున్నందున కరోనా వైరల్ లోడ్ లేదన్నారు. వారందరూ 2020 ప్రారంభంలో బ్రెజిల్ లోకి ప్రవేశించిన B.1.1.28 వేరియంట్ బారిన పడ్డారని నివేదికలు వెల్లడించాయి.