ఘోర ప్రమాదం..  బస్సు చెరువులో పడి.. 17 మంది మృతి..  35 మందికి గాయాలు..  

బంగ్లాదేశ్‌లోని ఝలకతి సదర్ ఉపజిల్లా పరిధిలోని ఛత్రకాండ ప్రాంతంలో శనివారం బస్సు చెరువులోకి పడిపోవడంతో ముగ్గురు చిన్నారులు సహా కనీసం 17 మంది మృతి చెందగా, 35 మంది గాయపడ్డారు. ప్రమాదానికి డ్రైవర్‌ నిర్లక్ష్యమే కారణమని , బస్సులో ప్రయాణీకులు అధికంగా ఉండడం వల్లే ప్రమాదం జరగవచ్చని తెలిపారు.

బంగ్లాదేశ్‌లో ఘోర ప్రమాదం జరిగింది. బస్సు అదుపుతప్పి చెరువులో పడిపోవడంతో 17 మంది ప్రయాణికులు మృతి చెందగా.. 35 మందికి పైగా గాయపడ్డారు. 60 మంది ప్రయాణికులతో బస్సు భండారియా సబ్‌ డిస్ట్రిక్ట్‌ నుంచి సౌత్‌వెస్ట్‌ డివిజన్‌ ​​ప్రధాన కార్యాలయమైన బరిసాల్‌కు వెళ్తుండగా జలకాతి జిల్లాలో ఈ ప్రమాదం జరిగిందని పోలీసులు తెలిపారు. డ్రైవర్ వాహనంపై నియంత్రణ కోల్పోవడంతో బస్సు పల్టీలు కొట్టి చెరువులో పడిపోయిందని తెలిపారు.

డైవర్లు 17 మృతదేహాలను వెలికి తీశారని, క్రేన్ సహాయంతో చెరువు నుంచి బస్సును బయటకు తీసేందుకు పోలీసులు ప్రయత్నిస్తున్నారని సీనియర్ పోలీసు అధికారి తెలిపారు. భారీ వర్షాల కారణంగా చెరువు పూర్తిగా నీటితో నిండి ఉంది. చనిపోయిన వారిలో ఎనిమిది మంది మహిళలు, ముగ్గురు పిల్లలు ఉన్నారని పోలీసు సబ్-ఇన్‌స్పెక్టర్ గౌతమ్ కుమార్ ఘోష్ తెలిపారు. రెస్క్యూ ఆపరేషన్ పూర్తయిన తర్వాత బస్సులో మరిన్ని మృతదేహాలు లభ్యమయ్యే అవకాశం ఉందని ఆయన చెప్పారు. మరో 20 మంది ప్రయాణికులు జలకత్తిలోని ప్రధాన ప్రభుత్వ ఆసుపత్రిలో చికిత్స పొందుతున్నారు.

బస్సులో 65 మంది ప్రయాణికులు ఉన్నట్లు తెలుస్తోంది. ఈ ప్రమాదంలో గాయపడిన 35 ఏళ్ల రౌసెల్ ముల్లా అనే ప్రయాణికుడు మాట్లాడుతూ.. 'నేను డ్రైవర్ సీటు పక్కన కూర్చున్నాను. బస్సు నడుపుతున్నప్పుడు డ్రైవర్ అప్రమత్తంగా ఉండకపోవచ్చని.. డ్రైవర్ తన సహాయకుడితో నిరంతరం మాట్లాడుతూ.. బస్సులో ఎక్కువ మంది ప్రయాణికులను ఎక్కించమని అడిగాడని చెప్పాడు. ముల్లా తండ్రి ప్రమాదంలో ప్రాణాలు కోల్పోయాడు, అతని సోదరుడు ఇంకా కనిపించలేదు.

బంగ్లాదేశ్‌లో బస్సు ప్రమాదాలు సర్వసాధారణమైపోయాయి. రోడ్ సేఫ్టీ ఫౌండేషన్ (RSF) ప్రకారం.. జూన్‌లో మాత్రమే మొత్తం 559 రోడ్డు ప్రమాదాలు జరిగాయి. ఈ ప్రమాదాల్లో 562 మంది, 812 మంది గాయపడ్డారు. ఢాకా ట్రిబ్యూన్ ప్రకారం..  దేశవ్యాప్తంగా 207 మోటార్‌సైకిల్ ప్రమాదాల్లో 169 మంది మరణించారని, ఇది మొత్తం మరణాలలో 33.75 శాతంగా ఉందని బుధవారం విడుదల చేసిన నివేదిక పేర్కొంది.

నివేదిక ప్రకారం.. 78 మంది మహిళలు, 114 మంది పిల్లలు ఉన్నారు.  తొమ్మిది జలమార్గ ప్రమాదాల్లో తొమ్మిది మంది మరణించారు. ఏడుగురు తప్పిపోయారు. అదే సమయంలో 21 రైల్వే ప్రమాదాల్లో కనీసం 18 మంది మరణించారు. పదకొండు మంది గాయపడ్డారు. రోడ్ సేఫ్టీ ఫౌండేషన్ పరిశీలన , విశ్లేషణ ప్రకారం.. అత్యధికంగా 247 (44.18 శాతం) ప్రాంతీయ రహదారులపై, 182 (32.55 శాతం) జాతీయ రహదారులపై, 59 (10.55 శాతం) గ్రామీణ రహదారులపై, మూడు (0.53 శాతం) పట్టణ రహదారులపై జరిగాయి.