రక్తమోడిన న్యూయార్క్: ఆందోళనకారులపై కాల్పులు.. 12 మంది దుర్మరణం

అగ్రరాజ్యం అమెరికా మరోసారి రక్తమోడింది. నల్లజాతీయులపై వివక్షను నిరసిస్తూ జరుగుతున్న ఆందోళనపై గుర్తుతెలియని దుండగుడు కాల్పులకు తెగబడ్డాడు.

ఈ ఘటనలో 12 మంది దుర్మరణం పాలవ్వగా, పదుల సంఖ్యలో క్షతగాత్రులయ్యారు. స్థానిక కాలమానం ప్రకారం.. న్యూయార్క్ సమీపంలోని రోచెస్టర్‌లో శుక్రవారం అర్థరాత్రి 12.30 గంటల సమయంలో ( భారత కాలమానం ప్రకారం శనివారం 10-11 గంటల మధ్య ) కాల్పులు  చోటు చేసుకున్నాయి.

రోచెస్టర్‌లో నల్లజాతీయులపై వివక్షకు నిరసనగా జరుగుతున్న ఆందోళన కార్యక్రమం అర్థరాత్రి వరకు ఈ నిరసన కొనసాగింది. ఆ క్రమంలోనే కాల్పులు చోటు చేసుకున్నట్లుగా తెలుస్తోంది. ఓ వైపు ఆందోళన కొనసాగుతుండగానే కాల్పులు జరిగినట్లు తెలుస్తోంది.