రష్మిక, శ్రీలీల ఇద్దరూ హ్యాండ్ ఇచ్చేసారా? నితిన్ కు ఈ ట్విస్ట్ లు ఏంటో
By Surya Prakash | First Published Sep 11, 2023, 6:30 AM ISTఇప్పుడు శ్రీలీల కూడా తను ఇప్పుడున్న బిజీలో మరో సినిమాకు డేట్స్ ఎడ్జెస్ట్ చేయలేనని చేతులెత్తేసినట్లు సమాచారం.
గమనిస్తే నితిన్ సినిమాల్లో మొదటి నుంచి స్టార్ హీరోయిన్స్ ఉంటూ వస్తూంటారు. తన సినిమాకు గ్లామర్ అద్దడంలో నితిన్ నెంబర్ వన్. ఆ క్రమంలోనే నితిన్ తాజా చిత్రంలో #VNRTrioలో హ్యాపినింగ్ హీరోయిన్ రష్మిక మందన్నా ని ఎంచుకున్నారు. అయితే అనుకోని విధంగా రష్మిక మందన్నా తప్పుకుందనే వార్తలు వచ్చాయి. ఆ తర్వాత మరో హ్యాపినింగ్ హీరోయిన్ శ్రీలీల తో అన్నారు. ఇప్పుడు ఆమె కూడా తప్పుకుందని వినిపిస్తోంది. దాంతో ఇప్పుడు టీమ్ నెక్ట్స్ ఏ హీరోయిన్ తో ముందుకు వెళ్లాలనే డైలమోలో ఉన్నట్లు మీడియాలో వార్తలు వస్తున్నాయి. వివరాల్లోకి వెళితే...
నితిన్ (Nithiin)– వెంకీ కుడుముల (Venky Kudumula)కలయికలో వచ్చిన భీష్మ చిత్రం ఎంత పెద్ద హిట్ అయ్యిందో తెలిసిందే. అదే కాంబో మరోసారి ప్రేక్షకుల ముందుకు రాబోతోందంటే అందరి దృష్టీ ఆ సినిమాపై పడుతుంది. అందులోనూ భీష్మ మూవీ లో మ్యూజిక్ , నితిన్ కామెడీ టైమింగ్‌, పర్‌ఫార్మెన్స్‌, రష్మిక – నితిన్ ల లవ్ ట్రాక్ , రొమాన్స్ ఇవన్నీ కూడా ప్రేక్షకులను కట్టిపారేసాయి. అలాగే వెంకీ టేకింగ్, పంచ్‌ డైలాగ్స్ సినిమాకు ప్లస్ అయ్యి బ్లాక్‌బస్టర్ హిట్‌చేశాయి. దాంతో మరోసారి వీరి కాంబో అనగానే అభిమానులు ఎక్సపెక్టేషన్స్ పెంచేసుకుంటున్నారు. మైత్రీ మూవీ మేకర్స్ (Mythri Movie Makers) సంస్థ నిర్మిస్తున్న ఈ సినిమాకు #VNRTrio అనే వర్కింగ్ టైటిల్‌ పెట్టి వర్క్ స్టార్ట్ చేశారు.
Latest Videos
undefined
ఈ సినిమాపై భారీ అంచనాలు నెలకొని ఉన్న సమయంలో.. హఠాత్తుగా ఈ సినిమా నుంచి రష్మిక మందన్నా #Rashmika తప్పుకుంది. ఐకాన్ స్టార్ అల్లు అర్జున్ జోడీగా మైత్రీ మూవీ మేకర్స్ నిర్మిస్తున్న పాన్ ఇండియా సినిమా ‘పుష్ప 2’తో పాటు రెండు మూడు బాలీవుడ్ ప్రాజెక్టులు ఉండటంతో ఈ సినిమాకు డేట్స్ అడ్జెస్ట్ చేయలేనని రష్మిక సినిమా నుంచి వాకవుట్ చేసింది. దాంతో ఆమెపై తీసిన పోర్షన్స్, ఎంటైర్ సీక్వెన్స్ స్క్రాప్ చేసేసారని సమాచారం. మైత్రీ మూవీ మేకర్స్ ప్రొడక్షన్ టీమ్‌తో ఆమె సంప్రదింపులు జరిపిన తర్వాతే.. ఈ నిర్ణయం తీసుకున్నట్లుగా తెలుస్తోంది.
దీంతో వెంకీ కుడుముల కొత్త హీరోయిన్ వేటలో పడగా వక్కంతం వంశీ దర్శకత్వంలో నితిన్ జోడీగా నటిస్తున్న శ్రీ లీలను సంప్రదించడంతో చేతి నిండా సినిమాలు ఉన్నప్పటికీ మరోసారి నితిన్ సరసన నటించడానికి ఆమె ఓకే చెప్పినట్టు వార్తలు వచ్చాయి. అయితే ఇప్పుడు శ్రీలీల కూడా తను ఇప్పుడున్న బిజీలో మరో సినిమాకు డేట్స్ ఎడ్జెస్ట్ చేయలేనని చేతులెత్తేసినట్లు సమాచారం. దాంతో వెంకీ కుడుముల ఏం చేయాలో అర్దం కాని సిట్యువేషన్ లో పడి మరో హీరోయిన్ వేటలో ఉన్నట్లు తెలుస్తోంది. VNRTrio ఇప్పటి వరకు ఒక్క షెడ్యూల్ మాత్రమే పూర్తయింది. అయితే ఇందులో నిజానిజాలు ఏ మేరకు ఉన్నాయి అనేది తెలియాల్సి ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి