ఎయిర్‌టెల్ vsజియోvsవి‌ఐ : రోజుకి 2జి‌బి డేటా అందించే గొప్ప ప్లాన్‌లు ఇవే..

 ఎయిర్‌టెల్   (Airtel), జియో (Jio), వోడాఫోన్ ఐడియా (Vi) ప్రస్తుతం ఉన్న దేశంలోని ప్రధాన టెలికాం కంపెనీలు అయితే  ఈ టెలికాం కంపెనీలు ఒక నెల క్రితం ప్రీ-పెయిడ్ ప్లాన్‌ల ధరలను పెంచాయి. దీంతో జియో, ఎయిర్‌టెల్, వొడాఫోన్ ప్లాన్‌లు 25 శాతం వరకు ఖరీదైనవిగా మారాయి. 

ఈ కంపెనీలలో వివిధ రకాల ప్రీ-పెయిడ్ ప్లాన్‌లు కూడా ఉన్నాయి, వీటితో కస్టమర్‌లు డైలీ డేటాతో పాటు ఆన్ లిమిటెడ్ కాల్స్ ఇంకా మెసేజింగ్ సౌకర్యాన్ని పొందవచ్చు. అంతేకాకుండా ఈ టెలికాం కంపెనీలలో  ఒక సంవత్సర వాలిడిటీ ప్లాన్‌లు కూడా ఉన్నాయి. అయితే రోజుకు 2జి‌బి డేటా అందించే ఎయిర్‌టెల్, జియో, వి‌ఐ ప్లాన్‌ల గురించి తెలుసుకుందాం...

ఎయిర్‌టెల్ డైలీ 2జి‌బి  డేటా ప్లాన్
ఎయిర్‌టెల్ రూ. 179 ప్లాన్‌తో ప్రతిరోజూ 2జి‌బి డేటా లభిస్తుంది. ఈ ప్లాన్ వాలిడిటీ 28 రోజులు. అంతేకాకుండా ఎయిర్‌టెల్ రూ. 359 ప్లాన్  వాలిడీటీ 28 రోజులు, రూ. 549 ప్లాన్  వాలిడీటీ 56 రోజులు, రూ. 838 ప్లాన్  వాలిడీటీ  56 రోజులు, రూ. 839 ప్లాన్ వాలిడీటీ  84 రోజులు, రూ. 1,799 ప్లాన్  వాలిడీటీ 365 రోజులు, రూ. 2,999 ప్లాన్  వాలిడీటీ 365 రోజులు, రూ. 3,359 వాలిడీటీ  ప్లాన్  365 రోజులు.  వీటితో మీకు ప్రతిరోజు 2జి‌బి  డేటా అందుబాటులో ఉంటుంది.

ఎయిర్‌టెల్ ఈ ప్లాన్‌లతో ప్రతిరోజూ 100 ఎస్‌ఎం‌ఎస్ లు కూడా లభిస్తాయి. ఇంకా అన్ని నెట్‌వర్క్‌లకు ఆన్ లిమిటెడ్ కాలింగ్ చేసుకోవచ్చు. ఈ ప్లాన్‌లతో అమెజాన్ ప్రైమ్ వీడియో  ఉచిత సబ్‌స్క్రిప్షన్ ఒక నెల పాటు లభిస్తుంది. ఇంకా రూ. 838 డిస్నీ + హాట్‌స్టార్ సబ్‌స్క్రిప్షన్ రూ. 3,359 ప్లాన్‌తో  ఒక సంవత్సరం పాటు పొందుతారు.

జియో డైలీ 2జి‌బి డేటా ప్లాన్
డైలీ 2జి‌బి డేటాతో జియో ప్లాన్ ప్రారంభ ధర రూ.249. జియో వార్షిక ప్లాన్ ధర రూ. 3,119. వీటితో రోజుకి 2 జీబీ డేటా లభిస్తుంది. జియో రూ. 249 ప్లాన్ వాలిడిటీ 23 రోజులు. అంతేకాకుండా రోజుకి 2జి‌బి డేటాతో ప్లాన్‌ ధర రూ. 299 దీని వాలిడిటీ 28 రోజులు, రూ. 499 వాలిడిటీ 28 రోజులు, రూ. 533 వాలిడిటీ 56 రోజులు, రూ. 719 వాలిడిటీ 84 రోజులు, రూ. 799 వాలిడిటీ 56 రోజులు, రూ. 1,066 వాలిడిటీ 84 రోజులు, రూ. 2,879 వాలిడిటీ 365 రోజులు, రూ. 3,119 వాలిడిటీ 365 రోజులు. అయితే ఈ ప్లాన్‌లతో మీకు జియో యాప్‌లకు సబ్‌స్క్రిప్షన్‌తో ఆన్ లిమిటెడ్ కాలింగ్, రోజుకు 100 ఎస్‌ఎం‌ఎస్ లను పొందవచ్చు. వీటితో పాటు డిస్నీ + హాట్‌స్టార్ సబ్‌స్క్రిప్షన్ రూ. 499, రూ. 799, రూ. 1,066 ఇంకా రూ. 3,119 ప్లాన్‌లతో ఒక సంవత్సరం పాటు  లభిస్తుంది.

వోడాఫోన్ ఐడియా ప్లాన్‌లతో  రోజుకు 2జి‌బి డేటా
రోజుకు 2జి‌బి డేటాతో వి‌ఐ ప్లాన్ ప్రారంభ ధర రూ. 179. ఈ ప్లాన్ వాలిడిటీ 28 రోజులు. అంతేకాకుండా కంపెనీ రూ.359 ప్లాన్ వాలిడిటీ 28 రోజులు, రూ. 539  ప్లాన్ వాలిడిటీ 56 రోజులు, రూ. 839  ప్లాన్ వాలిడిటీ 84 రోజులు. ఈ ప్లాన్ లతో వినియోగదారులు ప్రతిరోజూ 2జి‌బి డేటాను పొందవచ్చు.